Executive日記——今日驚蟄打小人 港人冀打走新冠病毒
KellyChu
2021-03-05 04:17 HKT
字體大小
今日驚蟄，係農曆二十四節氣嘅第三個節氣，灣仔鵝頸橋又會熱鬧起嚟，啪、啪、啪，打小人之聲四起。喺鵝頸橋底嘅打小人持牌人紅姑話，近期有人嚟要求打新冠肺炎病毒，希望用拖鞋底打走呢隻衰嘢，令香港人嘅正常生活快啲回復正常喎。人同此心，唔該紅姑大力啲打落去。
有多年打小人經驗嘅紅姑同Kelly講，以往多數係女士嚟幫襯打小人，多數涉及感情事，要求打老公嘅小三，但近一、兩年經濟唔好，多咗人要求打小人、保就業，即係想公司裏面啲小人絕跡，令自身工作安穩啲。近排最新嘅打小人目標，就係新冠肺炎病毒嘞，有人專程嚟要求紅姑狠狠咁打隻病毒，求打走佢，香港經濟快啲好番，世界回復平靜，小妹都希望係咁就好啦。
講到生意，紅姑話過去一年幾無咗遊客，生意淡薄，平日甚至「食蛋」，但驚蟄係旺日，佢預咗今日打小人打到通宵。Kelly見佢收五十蚊為人打一次小人，希望紅姑好生意，打走晒各種小人、衰人，生意滔滔，大家更加平安。
農曆驚蟄，意味春天時節開始，天氣將會明顯變暖。天文台就預測，今日大致多雲，有幾陣雨，稍後有薄霧，氣溫介乎二十度至二十四度。
Kelly Chu
有多年打小人經驗嘅紅姑同Kelly講，以往多數係女士嚟幫襯打小人，多數涉及感情事，要求打老公嘅小三，但近一、兩年經濟唔好，多咗人要求打小人、保就業，即係想公司裏面啲小人絕跡，令自身工作安穩啲。近排最新嘅打小人目標，就係新冠肺炎病毒嘞，有人專程嚟要求紅姑狠狠咁打隻病毒，求打走佢，香港經濟快啲好番，世界回復平靜，小妹都希望係咁就好啦。
講到生意，紅姑話過去一年幾無咗遊客，生意淡薄，平日甚至「食蛋」，但驚蟄係旺日，佢預咗今日打小人打到通宵。Kelly見佢收五十蚊為人打一次小人，希望紅姑好生意，打走晒各種小人、衰人，生意滔滔，大家更加平安。
農曆驚蟄，意味春天時節開始，天氣將會明顯變暖。天文台就預測，今日大致多雲，有幾陣雨，稍後有薄霧，氣溫介乎二十度至二十四度。
Kelly Chu
最Hit
麥道朗告別戰騎十駒
10小時前
76歲「鎮台之寶」主角變三線藝員曾被鬧戲屎 談公司陷財困：年年減薪，唔減薪嗰年就減騷
2025-12-13 14:30 HKT
Do姐早餐歎街坊燒味名店 超專業食足4款刁鑽叉燒 網民：我哋去買全部頭頭尾尾
2025-12-14 13:00 HKT
更多文章
