Executive日記——化身疫苗KOL 拍片叫大家放心 曾浩輝澄清打疫苗面癱機會低
KellyChu
2021-01-27 04:17 HKT
字體大小
外國搶疫苖，快手為國民注射，香港仲等呀等！最新消息係復星醫藥同德國藥廠嘅BioNTech會喺二月底到港，最快三月初開始接種，Kelly唔係想早啲打，會讓畀婆婆公公等有需要人士先打，但就好關心疫苗嘅副作用，尤其係好得人怕嘅「面癱」，好在衞生防護中心前總監曾浩輝粉墨登場，拍片叫大家放心。
政府透過facebook專頁「添馬台」製作「新冠疫苗Fact Check」短片，請來身兼政府疫苗接種計劃專責小組成員嘅曾浩輝出鏡，解答疫苗接種嘅問題，對於好多人、尤其是女士好關心，外國有人打針後出現「面癱」嘅副作用，曾浩輝就話，BioNTech疫苗喺臨牀試驗後，有四位出現「面癱」情況，但期後美國食品藥品監督管理局發聲明表示，指「面癱」嘅病發率跟平日無打針差不多。小妹聽到咁講都安心啲。
被問注射後嘅副作用，佢話，常見嘅反應包括針口痛、可能會頭痛、肌肉痛、發燒、發冷等，情況或持續數天。小妹聽後亦放心咗，希望政府拍多啲片，將疫苗資訊透明化就好。
Kelly Chu
政府透過facebook專頁「添馬台」製作「新冠疫苗Fact Check」短片，請來身兼政府疫苗接種計劃專責小組成員嘅曾浩輝出鏡，解答疫苗接種嘅問題，對於好多人、尤其是女士好關心，外國有人打針後出現「面癱」嘅副作用，曾浩輝就話，BioNTech疫苗喺臨牀試驗後，有四位出現「面癱」情況，但期後美國食品藥品監督管理局發聲明表示，指「面癱」嘅病發率跟平日無打針差不多。小妹聽到咁講都安心啲。
被問注射後嘅副作用，佢話，常見嘅反應包括針口痛、可能會頭痛、肌肉痛、發燒、發冷等，情況或持續數天。小妹聽後亦放心咗，希望政府拍多啲片，將疫苗資訊透明化就好。
Kelly Chu
最Hit
更多文章
