Executive日記——市民挺「港產花」 湧入農場入貨
KellyChu
2021-01-21 04:16 HKT
字體大小
食衞局話煞停年宵花場，被花農鬧爆，市民嬲爆，終於轉軚又話復辦番，但班花農已經被官員舞到氹氹轉，因為之前投得幾多個檔位都好，最後只得番一至三個，好難做。但一失總有一得，好多市民聽到花農經營困難，主動去農場買年花，令到啲花農好開心，原來唔少港人挺番港產年花。
有「蘭花大王」之稱嘅楊小龍，對政府一時停搞年宵一時又重辦，感到無所適從。佢原本喺維園投到十四個花檔，現在唔知當局縮減年宵規模之後，得番幾多個，都有啲擔心大批蘭花去貨問題。但過去一個周末出現咗轉機，多咗市民揸車入去佢位於八鄉錦上路嘅蘭花園，直接選購，令佢感到香港人好有心，知道花農有難，就主動出手相助，「十個入嚟買花嘅人，三個係以前未見過嘅生客！」，而且多咗後生仔，令楊小龍好開心嘅，除咗客人買蘭花，仲好欣賞佢栽種嘅心血。
至於今年蘭花嘅價格，佢話同去年一樣，唔會加價，希望以穩定嘅售價，吸引多啲客人支持咁話喎。
Kelly Chu
有「蘭花大王」之稱嘅楊小龍，對政府一時停搞年宵一時又重辦，感到無所適從。佢原本喺維園投到十四個花檔，現在唔知當局縮減年宵規模之後，得番幾多個，都有啲擔心大批蘭花去貨問題。但過去一個周末出現咗轉機，多咗市民揸車入去佢位於八鄉錦上路嘅蘭花園，直接選購，令佢感到香港人好有心，知道花農有難，就主動出手相助，「十個入嚟買花嘅人，三個係以前未見過嘅生客！」，而且多咗後生仔，令楊小龍好開心嘅，除咗客人買蘭花，仲好欣賞佢栽種嘅心血。
至於今年蘭花嘅價格，佢話同去年一樣，唔會加價，希望以穩定嘅售價，吸引多啲客人支持咁話喎。
Kelly Chu
最Hit
長者乘車優惠明年4月收緊！長者群組熱議「兩蚊兩折」點樣計? 每月限搭240程？北上深圳貴好多？
2025-12-12 17:51 HKT
76歲「鎮台之寶」主角變三線藝員曾被鬧戲屎 談公司陷財困：年年減薪，唔減薪嗰年就減騷
2025-12-13 14:30 HKT
更多文章
