Executive日記——巨型陸龜曝屍海邊 愛協：勿棄養或加害
KellyChu
2020-08-22 04:17 HKT
字體大小
Kelly近日睇到愛協喺社交平台發文，指有一宗好唔尋常嘅棄養個案，一隻巨型陸龜被遺棄海邊大石上；佢最終去咗彩虹橋，愛協仲用龜龜嘅心聲同大家道別。
愛協話喺東涌海邊長廊嘅防波堤發現一隻有成十公斤重嘅盾臂龜，佢當時無辦法爬去上面嘅大石，石下面又係鹹水海，佢唯有安靜咁留喺原地。有份拯救嘅督察話，帶走龜龜嘅時候都幾乎抝柴，點樣都唔似龜龜自己行落嚿石度。
愛協指，如果主人真係咁狠心，將陸龜遺棄喺海邊，咁唔單止係棄養，更係殺害動物，呢隻龜龜離世前一定唔會好過。愛協希望唔好再有同樣嘅事發生，希望盡快修訂殘酷對待動物法例，如果大家見到動物垂危或者需要協助，要立即搵愛協幫手。
Kelly Chu
愛協話喺東涌海邊長廊嘅防波堤發現一隻有成十公斤重嘅盾臂龜，佢當時無辦法爬去上面嘅大石，石下面又係鹹水海，佢唯有安靜咁留喺原地。有份拯救嘅督察話，帶走龜龜嘅時候都幾乎抝柴，點樣都唔似龜龜自己行落嚿石度。
愛協指，如果主人真係咁狠心，將陸龜遺棄喺海邊，咁唔單止係棄養，更係殺害動物，呢隻龜龜離世前一定唔會好過。愛協希望唔好再有同樣嘅事發生，希望盡快修訂殘酷對待動物法例，如果大家見到動物垂危或者需要協助，要立即搵愛協幫手。
Kelly Chu
更多文章
