新‧潮——又有得「科水」
鄧銘心
2020-07-25 04:17 HKT
字體大小
水為財，「水喉」當然愈多愈好，水務署的《建築物水安全計劃》推出資助了，七月十三日已開始接受申請。
政府預留了四億四千萬元，推行「水安全計劃資助計劃」，以鼓勵業主及物業管理人藉着資助，為樓宇實施建築物水安全計劃，學宣傳口號話齋，樓宇水質做得好，住戶健康保護到。
凡私人住用或綜合用途（商住兩用）樓宇，包括以公務員合作社都可參加，當然亦要睇每年交幾多差餉，不過唔包三層或以下的屋，詳情大家可以上網check返。
今次內容係，如果大家聘請合資格人士，為樓宇內部供水系統制定水安全計劃，包括水安全風險評估，每幢樓有最高一萬元資助。之後按計劃，做定期保養、搵人做檢查，又有三萬幾元資助，連搵人做審核個計劃，都有五千幾元資助。
若然顧問睇過，話大廈有需要做供水改善或維修工程，每幢樓又有上限二十五萬資助。
然而，如申請人就同一維修工程項目已收取其他計劃的資助或津貼，例如「樓宇更新大行動2.0」、「公用地方維修資助」等，今次呢水工程就不會有資助。
疫情下用水多咗，更覺我哋香港有好水真係好幸福。水務署一向為水質把關，但入到屋就要靠業主做好管理，定期檢查水箱、適時維修喉管，無論如何今次多條「水喉」畀大廈，都是好。
鄧銘心
政府預留了四億四千萬元，推行「水安全計劃資助計劃」，以鼓勵業主及物業管理人藉着資助，為樓宇實施建築物水安全計劃，學宣傳口號話齋，樓宇水質做得好，住戶健康保護到。
凡私人住用或綜合用途（商住兩用）樓宇，包括以公務員合作社都可參加，當然亦要睇每年交幾多差餉，不過唔包三層或以下的屋，詳情大家可以上網check返。
今次內容係，如果大家聘請合資格人士，為樓宇內部供水系統制定水安全計劃，包括水安全風險評估，每幢樓有最高一萬元資助。之後按計劃，做定期保養、搵人做檢查，又有三萬幾元資助，連搵人做審核個計劃，都有五千幾元資助。
若然顧問睇過，話大廈有需要做供水改善或維修工程，每幢樓又有上限二十五萬資助。
然而，如申請人就同一維修工程項目已收取其他計劃的資助或津貼，例如「樓宇更新大行動2.0」、「公用地方維修資助」等，今次呢水工程就不會有資助。
疫情下用水多咗，更覺我哋香港有好水真係好幸福。水務署一向為水質把關，但入到屋就要靠業主做好管理，定期檢查水箱、適時維修喉管，無論如何今次多條「水喉」畀大廈，都是好。
鄧銘心
最Hit
繁忙時間港鐵車廂必現「集體行為」！？車長開咪仍無效阻止 網民怒批：可唔可以俾返少少公德心
2025-11-11 09:00 HKT
「5億駙馬」視帝斷崖式暴瘦 街頭被偶遇慘變皮包骨 面頰凹陷顴骨凸出惹憂心
2025-11-11 09:00 HKT
更多文章