Executive日記——內地網開價6666元兜售 坂本龍一港Show 門票炒貴七倍勁誇
KellyChu
2020-01-16 04:17 HKT
字體大小
近日哈日族同樂迷嘅話題，當然係「新音樂教父」坂本龍一（圓圖）喺四月來港表演三場，所有門票喺開售一陣間就被秒殺，好多人買唔到，黃牛黨即時出沒，喺網上炒到成七千幾蚊一張，比原價高成六、七倍，都幾誇張。
將於今年四月三日同四日喺西九文化區藝術公園自由空間大盒舉行嘅「坂本龍一 feat. 高谷史郎：dis·play」音樂會，三場嘅門票喺本周日公開發售，好多坂本龍一迷一早起身開電腦撲飛，十幾分鐘就全部售罄。
Kelly有朋友買唔到，於是上網踫下運氣，發現炒風幾勁，喺內地一個叫速達票嘅網站，聲稱有「靚位」，歡迎搶先預訂咁話，原價一千一百八十港元和一千四百八十港元嘅門票，最低叫價六千六百六十六元人民幣，相當於七千五百一十九港元，即係炒高成六、七倍。另外，亦有網民喺香港售票網上聲稱「坂本龍一 少量門票」，仲打出$88888，留下電話叫有意者問價。Kelly朋友見到咁，話當然唔幫襯，以免益咗呢啲炒飛黨咁話。
坂本龍一係一位喺西方國家有影響力嘅日本音樂人、演員，一生獲獎無數。佢創作嘅音樂，空靈脫俗、融合東西古今，被喻為世界級音樂大師嘅代表人物，被譽為「新音樂教父」。由佢創作嘅Merry Christmas， Mr. Lawrence、Forbidden Colours、The Last Emperor、High Heels、Little Buddha等，為年長樂迷所認識。近二十年，佢積極參與環保、和平活動，亦發起森林再造保育計劃「More Tree」，成功吸引年輕樂迷跟隨。
Kelly Chu
■坂本龍一西九文化區《dis•play》巡迴音樂會門票掀起炒風。
■網上有人聲稱有「靚位」，原價一千一百八十港元和一千四百八十港元嘅門票，最低叫價六千六百六十六元人民幣（紅圈示）。
將於今年四月三日同四日喺西九文化區藝術公園自由空間大盒舉行嘅「坂本龍一 feat. 高谷史郎：dis·play」音樂會，三場嘅門票喺本周日公開發售，好多坂本龍一迷一早起身開電腦撲飛，十幾分鐘就全部售罄。
Kelly有朋友買唔到，於是上網踫下運氣，發現炒風幾勁，喺內地一個叫速達票嘅網站，聲稱有「靚位」，歡迎搶先預訂咁話，原價一千一百八十港元和一千四百八十港元嘅門票，最低叫價六千六百六十六元人民幣，相當於七千五百一十九港元，即係炒高成六、七倍。另外，亦有網民喺香港售票網上聲稱「坂本龍一 少量門票」，仲打出$88888，留下電話叫有意者問價。Kelly朋友見到咁，話當然唔幫襯，以免益咗呢啲炒飛黨咁話。
坂本龍一係一位喺西方國家有影響力嘅日本音樂人、演員，一生獲獎無數。佢創作嘅音樂，空靈脫俗、融合東西古今，被喻為世界級音樂大師嘅代表人物，被譽為「新音樂教父」。由佢創作嘅Merry Christmas， Mr. Lawrence、Forbidden Colours、The Last Emperor、High Heels、Little Buddha等，為年長樂迷所認識。近二十年，佢積極參與環保、和平活動，亦發起森林再造保育計劃「More Tree」，成功吸引年輕樂迷跟隨。
Kelly Chu
最Hit
《愛·回家》金牌綠葉「老公」揸的士被捕獲 網民爆「喺大館見過佢」 曾任警察為74年寶生銀行械劫案出力
2025-04-30 10:00 HKT
居深圳美國人遊港呻「巔峰期已過」 城市擁擠/服務態度冷漠 惟對1地方讚不絕口：城市中的一片淨土
2025-04-29 17:48 HKT
更多文章
