Executive日記——中大花樣男教授加盟《頭條》分享扮靚心得

KellyChu

2020-01-09 04:17 HKT

內容

　　《頭條日報》作為全港讀者最多報紙，專欄名家多，內容多樣化，好受讀者歡迎，仲經常引入最潮嘅作家。最新一位，就係中文大學新聞與傳播學院教授馮應謙（Anthony），佢以研究流行文化出晒名，本身好鍾意打扮，仲自己設計服飾，喺校園好吸引目光。Anthony由明日起逢周五喺《頭條》推出《花樣男教授》專欄，同男士分享扮靚嘅心得。
　　馮應謙（Anthony）係潮人，每次Kelly約佢食飯，佢都會悉心打扮一番。佢自我介紹新專欄《花樣男教授》，每隻字都充滿魅力，佢咁話：「一般人覺得男教授都是一個模樣的：一頭白髮、臉上幾道皺紋、燙得很直的白恤衫配一對Clark’s的黑皮鞋。當然，穩重、溫文爾雅、醉心於學問和研究的男教授是多數。不過，作為教授，我選擇另外一種形象和生活方式。
　　正如我跟三位俊俏的男教授所寫的《透視男教授》所寫道，新一代教授（其實他們也不會讓人叫他們做教授) 就是不一樣，把自己生活點滴融入教學、研究。不好聽的，是我行我素；正面的說，就是真，以最『坦蕩蕩』的一面面對學生。於是有文青look上課的、有挽Paul Smith英國紳士風的公事包上班。至於我，算是最姿整的，出門口前化個靚妝，定時去做facial，上堂講性別刻板印象時，穿我自己設計的格仔蘇格蘭裙，我覺得我更有說服力。
　　的確，我算是幸運，不禁要稱讚中大提供了一個十分包容的環境，讓我做一個花樣男教授。我相信不少男的也想做花樣男子、花樣大叔，只是女朋友（或男朋友）的嫉妒、前度的挖苦、老婆的疑慮、同事的八卦等等，把自己多年的慾望壓抑下來。《花樣男教授》專欄就是給他們力量去改變，重新做（男）人。
　　男教授並不是甚麼美容專家、專業的designer，不過有的是實踐和敢於嘗試。衣着、時尚、護膚、美容、扮靚都是我生活之日常。《花樣男教授》也許不能帶領甚麼男人的時尚，但應該在香港製造多幾個花樣男。」
　　Kelly相信，不論男士同女士都想知多啲最潮男士嘅扮靚心得。
Kelly Chu