Shimba工作室——【玩具展、嬰兒用品展及文具展同期舉行】Market Play By Uncle Ray

Shimba工作室

2020-01-03 04:19 HKT

生活專欄

內容

近年家長愈來愈重視小朋友用品嘅品質，由嬰兒時期嘅用品安全到讀書時期嘅文具設計，每項都細心注意，務求畀小孩一個最好嘅童年。而小朋友童年嘅樂趣除咗玩玩具之外，當然唔少得收集各款設計特別嘅文具，然後帶到學校與同學分享喇！

香港貿發局主辦嘅玩具展、嬰兒用品展及文具展，由 1 月 6 至 9 日於灣仔會展同期舉行。三展吸引約 2,950 家環球展商，網羅全球創新優質玩具遊戲、嬰兒用品及文具，為業界提供一站式採購平台。

玩具展規模全亞洲最大，今屆設有六個地區展館，包括中國內地、英國、台灣、韓國及西班牙，還有以歐洲展商為主嘅「World of Toys」展團。玩具展焦點展區包括「品牌廊」、「智能玩具」、「啟發潛能玩具產品陳列專區」及針對成年人玩具市場嘅「大童世界」等。玩具展中有展商會展示踏入 80 周年嘅 Tom and Jerry 半胸像（招財貓版），更有經典格鬥遊戲拳皇 98 草薙京 Q 版聲光 figure，配合對白聲效、遊戲背景音樂，完美還原遊戲中嘅場景。

同期舉行嘅嬰兒用品展設有「香港孕嬰童業協會」展館及雲集韓國頂級嬰兒用品嘅韓國展館，仲有「智能嬰兒產品」、「品牌廊」、「嬰兒手推車及座椅世界II」及「育嬰及保健產品」等。另外，展會重點活動「香港玩具業會議 2020」將於 1 月 7 日舉行，以「提升競爭力 - 開拓玩具新機遇」為主題，邀請多位國際專家探討業界議題。有興趣嘅業內人士記得出席！