Executive日記——軟綿綿又足料 人人讚好 佛光道場派臘八粥 分享佛陀成道法喜
KellyChu
2020-01-03 04:19 HKT
字體大小
昨日係農曆十二月初八，心水清嘅朋友會知道係佛教嘅臘八節，即係佛陀成道日。香港佛光道場嘅法師同義工昨天來到星島新聞集團，與一眾同事分享軟綿綿嘅臘八粥，祝願來年鼠年「福滿人間」。Kelly一沾佛陀成道嘅法喜，感到吉祥！
佛陀成道日有食臘八粥嘅習俗，佛光山港澳地區總住持永富法師與一眾義工，元旦起一連兩日，由朝早四時點鐘就預備多種食材，熬製臘八粥，十分有心思，送畀市民享用。佢哋昨天來到星島新聞集團大廈，派發足料又軟綿綿嘅臘八粥畀同事們，大家好鍾意食，覺得味道清甜，食材十分之豐富，食得健康！
香港佛光道場「臘八送粥」嘅活動，喺香港已經有近十五年歷史。Kelly同永富法師傾過偈，佢話呢個活動最初向弱勢社群派發臘八粥，其後發展到會向唔同機構、學校、道場等，向社會不同階層人士分享佛陀成道嘅喜悅，上年就派發咗接近八萬碗臘八粥。
來年係鼠年，永富法師預先祝願大家鼠年「行道天下，福滿人間！」佢話，只要「說好話、做好事、存好心」，不論侍着還是受着，依然擁有功德。永富法師仲特別提到，香港正在經歷一段不平穩嘅日子，而媒體公司亦難免受到影響，佢希望透過送贈平安吉祥的臘八粥，散播正能量，令所有人都感受生命中美好嘅事物。
Kelly Chu
■臘八粥軟綿綿又足料。
佛陀成道日有食臘八粥嘅習俗，佛光山港澳地區總住持永富法師與一眾義工，元旦起一連兩日，由朝早四時點鐘就預備多種食材，熬製臘八粥，十分有心思，送畀市民享用。佢哋昨天來到星島新聞集團大廈，派發足料又軟綿綿嘅臘八粥畀同事們，大家好鍾意食，覺得味道清甜，食材十分之豐富，食得健康！
香港佛光道場「臘八送粥」嘅活動，喺香港已經有近十五年歷史。Kelly同永富法師傾過偈，佢話呢個活動最初向弱勢社群派發臘八粥，其後發展到會向唔同機構、學校、道場等，向社會不同階層人士分享佛陀成道嘅喜悅，上年就派發咗接近八萬碗臘八粥。
來年係鼠年，永富法師預先祝願大家鼠年「行道天下，福滿人間！」佢話，只要「說好話、做好事、存好心」，不論侍着還是受着，依然擁有功德。永富法師仲特別提到，香港正在經歷一段不平穩嘅日子，而媒體公司亦難免受到影響，佢希望透過送贈平安吉祥的臘八粥，散播正能量，令所有人都感受生命中美好嘅事物。
Kelly Chu
最Hit
更多文章
