廠佬新貴 柬埔寨樓伏唔伏？
海外物業投資及移民達人專欄
2022-01-22 08:04 HKT
字體大小
自中央提倡「房住不炒」打壓樓市、恒大和佳兆業等龍頭發展商相繼出現債務危機後，去年十月開始大部份大灣區樓盤展銷會都出現插水式劈價優惠，越賣越平，幾乎是要錢不要貨的節奏。加上令人聞之喪膽的「共同富裕」概念，導致一班平日愛好投資大灣區樓市的投資者一律採取觀望態度。
筆者早前和朋友T飲茶閒聊時討論起當前樓市，作為廠佬二代的朋友T幸運地在政策出台前止賺離場，出售其中山及東莞物業。資金回籠，但亦開始為資金無出路感到頭痛，通脹高企下持有現金等於輸硬的時勢，點都要找點東西買。適逢有行家將生產線移到柬埔寨設廠，柬埔寨樓彷彿成了廠佬們的新貴，大家都等待誰先買就跟飛。筆者作為業界人士，朋友T當然會先問我意見，不會盲目人云亦云。
「 西港（西哈努克港）點睇？」朋友T問到。
「你冇聽過2019單冧樓事件咩？死咗26人啊！」筆者道。
「 吓？真係㗎？咁大鑊，咁都係唔諗啦！」朋友T面帶驚訝表情說。
「咪住先，我冇話柬埔寨買唔過，睇番GDP佢的確非常靚仔。外資數目又年年提升，大把公司都搬咗去柬埔寨開，所以首都金邊有十幾萬expat㗎。」筆者邊喝茶邊説。
「你揀得呢啲第三世界國家就梗係買啲最靚嘅地段啦，十年八年嘅經濟增長理應就有可觀收成，你仲諗住貪平揀遠啲？即係一百年前香港仲未發展時，你會買中環定天水圍呀？」筆者又問。
2021年柬埔寨首都金邊甲級分層住宅供應量有約七千套，與常駐外資比例約為1：22，供應量顯著不足。筆者建議投資可優先考慮以expat作為租客目標。Expat人均收入絕對比本地人多，同時公司多數會提供房屋津貼給外派員工，住客不用自費交租下，業主們亦無需提供太多議價空間。
Facebook：www.facebook.com/AgnesOverseas
最Hit
保時捷︱山東家屬爆窗攞AED救人 車主霸氣一句網民讚器量大
2026-03-15 17:35 HKT
韓國旅客食茶記睇中奶茶杯？老闆堅稱不賣後1招霸氣回應 數萬網民激讚：輸出香港文化
2026-03-15 15:31 HKT
小學作文唔畀寫「雪糕」？老師圈錯改「冰淇淋」港媽大控訴：香港只有雪糕車 掀網民總動員考證｜Juicy叮
2026-03-15 12:59 HKT
中菜館點心半價搶客！堅持新鮮現做「非預製」網民熱議：要多啲支持幫襯
2026-03-15 18:02 HKT
紙巾抹眼鏡不會刮花？洗潔精恐損鏡片變矇 專家拆解洗眼鏡謬誤+1分鐘正確清洗技巧
2026-03-15 10:00 HKT
