白頭Lo - IFCX與Black Spade Capital聯手推動全球投資進入新興市場 | 白頭Lo海外地產專欄

白頭Lo海外地產專欄

白頭Lo

10小時前

產經專欄

內容

黑桃資本總裁兼首席執行官譚志偉（右四）於5月20日與IFCX創辦人暨執行總裁賴衍銘（左四）簽署投資協議。

　　中東、越南及泰國三地，憑藉經濟增長、政策支持及基建發展，展現房地產投資強勁增長潛力。近日，國際房地產經紀控股公司IFCX宣布獲得黑桃資本有限公司（「黑桃資本」）嘅戰略投資，唔單止成為IFCX全球化發展嘅重要里程碑，亦令公司喺房地產、科技及跨境投資領域奠定領導地位。今次嘅投資核心係房地產及科技創新，IFCX計劃喺未來5年內引導超過50億美元亞洲資金進入中東、越南及泰國房地產市場，除咗係擴大業務範圍，仲希望通過技術革新，重塑跨境房地產交易方式。IFCX將強化綜合性平台，包括環球資產管理專家Asia Bankers Club、全球發展商總代理Knightsbridge Partners及一站式物業售後及管理服務平台Easy Pro，為投資者提供更全面嘅服務。

　　呢項投資亦會加速IFCX喺房地產科技（Proptech AI）領域嘅發展，例如使用大數據為客戶推介適合物業，重點打造以AI與數據科學驅動嘅智能平台，包括數字交易系統、預測性市場分析及投資者互動工具，幫助旗下會員及投資者更有效咁買賣中東等地嘅房地產。

　　IFCX自2014年成立以來，一直喺連結亞洲投資者及全球頂級不動產投資機會方面扮演關鍵角色。公司已經同多個核心市場嘅知名發展商建立戰略合作夥伴關係，包括泰國、越南、馬來西亞及英國，近期重點拓展中東地區，包括巴林、沙烏地阿拉伯及阿曼。IFCX創辦人暨執行總裁賴衍銘指出，近年中東受投資者重視，每次有新房地產項目推出都會吸引唔少投資者及買家，包括巴林、沙特、阿曼及阿聯猶在內嘅中東地區將會成為公司近期重點拓展地區：「喺黑桃資本支持下，公司將重新定義全球房地產交易模式，為投資者建立橋樑，並賦能投資者，更高效地投資房地產市場。」

白頭Lo