白頭Lo - 齊齊做發展商（十） 聖誕假期北海道房價勁升 日本Airbnb仍供不應求｜白頭Lo海外地產專欄
白頭Lo
2024-01-13 00:00 HKT
字體大小
聖誕新年長假期完咗，好多人都選擇外遊，東日物業奧山千香子亦都唔例外，佢趁住假期去咗北海道二世古滑雪，就親身感受到當地假期嘅住宿有幾咁渴市，費用有幾咁犀利！佢除咗第一日用$7,500住到Airbnb之外，之後每晚都要俾成$9,000周圍住酒店，當地嘅業主都咪話唔和味！
單單一個聖誕檔期已經反映到日本嘅旅遊住宿有幾渴市，千香子直言，疫情期間近乎九成住宿做唔住，隨住「世博」漸近，過兩個月又到櫻花季同暑假旺季，市場供應根本滿足唔到需求，裝修工人不足嘅情況更加明顯，嚟緊出年「世博」先真正係日本旅遊住宿業嘅挑戰，千香子預計到時$3,000一晚係走唔甩。
過往好似奧運咁大型盛事過後，一般旅遊業會隨之而下跌，但由於賭場再過幾年就起好，能夠Keep得到旅遊業嘅強勁走勢。咁喺新一年佢哋又點睇日本個市呢？千香子認為，日圓回升加上外資湧入，經濟好轉底下日本即將擺脫通縮進入通漲期，大家嘅資產都會跟住增值。依家香港人嘅消費模式改變咗，轉向外地喪買，一樣可以尋找海外資產嘅價值搵商機，將個餅做到國際化。
至於東日物業，佢哋今年將會繼續因應市場聲音度身訂造唔同嘅產品，提供全方位嘅服務照顧旅客，包括喺佢哋嘅Airbnb網站提供專車同旅遊巴士嘅服務，全面開拓當地嘅旅遊板塊。
專注海外房地產多年，掌握最新市場投資走勢。
最Hit
校長分享AI教學實戰轉型心得 政府方向清晰 各校宜按情況靈活推行
2026-02-05 08:00 HKT
荃灣便利店八達通增值$100 慘變倒蝕$400 苦主因一事自責不已 網民發功獻追討妙計｜Juicy叮
2026-02-05 13:29 HKT
畢馬威：私煙銷量激增265% 兩度增煙稅助長私煙 學者憂令年輕煙民「一世都無食過完稅煙」 瓦解現有控煙機制
2026-02-06 12:12 HKT
星島申訴王｜90後揭自提點「搵銀」真相 日做12小時賺少過最低工資 難識女朋友：不如揸的士
2026-02-06 07:43 HKT
更多文章
