古星輝 - 體驗漫遊「全網通」｜乜都5G
古星輝
2023-12-15 00:00
字體大小
聖誕新年係傳統旅遊旺季，除咗北上以外，日、韓、泰、澳洲都係港人嘅旅遊熱點。去旅行最緊要玩得開心，除食住各種安排要好，喺外地能時刻與親朋保持聯絡，上網打卡搵資料時得心應手都好重要。今個假期，鼓勵大家體驗吓漫遊「全網通」嘅服務！
一般外遊，大家都習慣到深水埗購買當地電話卡或本地漫遊預繳卡，到埗前換卡，到達目的地就能接通指定嘅電訊商，換卡時一不小心跌咗張卡就得不償失。不過萬一喺某啲位置或景點收唔到訊號，就用唔到服務。
自動切換訊號最佳網絡
但漫遊「全網通」就即係個個網絡都通，用戶毋須換卡，到埗手機即直接通當地網絡，而一旦喺收唔到網絡嘅位置，電話就會自動切換至當時訊號最好嘅網絡；一個網絡唔得，切換至第二個、第三個或第四個（若有）。
舉例日本有4個台，當用戶收唔到Docomo，電話就切換至Softbank、KDDI或者Rakuten，咁樣為之「全網通」。換句話講，用戶喺任何情況下都會有網絡覆蓋，能時刻保持在線，對於外遊人士，特別係自由行及自駕遊來講，尤其重要。
可能係價錢嘅考慮，一般外遊人士都較少選用漫遊服務。但其實隨著數據普及，市場上有好多漫遊計劃，費用同買張電話卡差不多，唔使換卡又可隨時增值，即買即用，仲要「全網通」，4G及5G皆適用，有提供尊貴服務嘅電訊商，更設有免費熱線，為身處外地嘅客戶解答任何漫遊疑難，極為方便。
要做到全網通，有賴與海外電訊商嘅緊密聯繫。我哋喺今年7月，就率先打通咗中國內地3大網絡，方便港人北上；隨後香港以至世界逐漸復常，我哋陸續打通其他熱門旅遊地點，包括日本、南韓、泰國及澳洲。未來我哋會繼續按港人熱愛嘅旅遊點，全力拓闊漫遊「全網通」嘅覆蓋地點。
習慣係可以改變嘅，今個聖誕或新年假外遊，嘗試畀自己一個全新嘅海外漫遊通訊體驗，感受世界更自由！
和記電訊香港行政總裁
古星輝
最Hit
更多文章
