白頭Lo - 大阪旅遊旺季 民宿市場暢旺 東日推「先住後供」回饋顧客 齊齊做發展商（八）｜白頭Lo海外地產專欄
白頭Lo
2023-12-02 00:00
字體大小
紅葉季節差唔多完，如果有睇我哋星島頭條網嘅，早兩日就有單報道講喺關西機場離境嘅人數有幾誇張！亦再次印證緊東日物業高級經理奧山千香子之前分享日本旅遊業嘅現況。千香子坦言，隨住旅遊旺季開始，海外旅客數字飆升，連串利好因素對物業價格嘅影響開始浮現，之前提過一兩個月內爆數賣咗50至60間屋，每個Sales都賺到好多錢，佢哋喺銀座有個200呎嘅單位原價2,700萬円，早前有越南人3,800萬円高追入手，依家叫價再升上4,200萬円O添。佢形容，日本民宿開始進入瘋狂嘅市場狀態。
相反，海外好多地方經濟仲未回歸疫情前嘅水平，好多人放咗錢做定期，但見到有投資機會把握唔到，一定覺得蝕底。趁住東日物業十周年，佢哋最近又有新idea回饋顧客，就係首創買日本物業先住後供款。買佢哋指定嘅物業可以先俾10%首期，其餘供款可以喺最多兩年內找清。期間可以無限次數入住，對於有大量資金放咗喺銀行嘅投資者無疑係一個可以捕捉市場走勢嘅方式。
千香子認為，疫情後嘅投資者變得更精明，唔再係三兩句花言巧語，而會係確確實實研究貨品價值先會決定。所以Sales到底係氹你買樓定係用更實際嘅方法同你搵錢，投資者自然有眼睇到。
日本民宿物業酒店展銷會
日期：12月2日及3日
時間：上午11時至晚上7時，於下午1時及5時設物業講座。
地址：銅鑼灣柏寧酒店26樓Canvas 4
查詢：6381 1308
註：以上為嘉賓意見，不代表本報立場。
專注海外房地產多年，掌握最新市場投資走勢。
最Hit
更多文章
