古星輝 - 5G@電腦節｜乜都5G
古星輝
2023-08-18 00:00 HKT
字體大小
香港電腦通訊節（電腦節）將於下周開鑼，今次活動於復常後首次舉行，適逢又係電腦節20周年，好多參展商都把握機會，盡展各種嶄新科技及商業解決方案，其中當然唔少得5G。
智慧校園與時並進
公司今年就會喺「5G及綠色科技生活區」，同大家分享5G方案如何能協助推動綠色科技發展，以及打造綠色生活。其中一個做到「異常用電量實時提示」嘅方案，就有助企業達到ESG鼓勵慳電嘅目標，從而減低營運成本。呢個智慧節能管理方案，能7x24全天候實時將企業嘅用電量呈現於圖表上，一發現用多咗電，就會發出提示，協助用戶根據數據部署節能，非常實用。
另外好快又開學，我哋會喺電腦節介紹專為學校而設嘅智慧校園方案，方便學校引入與時並進嘅管理及學習模式，其中有一個實用嘅方案要同大家分享：
平日飲茶食飯，大家都可能已經習慣喺應用程式遙距攞籌，其實呢個輪候管理方案，可以應用喺學校，方便家長日見家長、入學面試、喺圖書館借書或預約學校設施等，透過應用程式遙距或現場攞飛，節省排隊時間；系統仲可以出番個報告，方便學校進行各種分析便利師生。
除咗校管，我哋亦搜羅咗一啲好有趣味嘅學習方案，例如應用咗AI嘅聊天機械人，呢個有助深度學習嘅機械人，植入咗適合由六個月大嘅幼兒至12歲學童嘅權威英語課程，課程可以每日喺雲端更新，機械人又可與小朋友雙向交流，提高主動學習嘅興趣，家長仲可以透過應用程式緊貼子女嘅學習進度，幫助鞏固課堂所學。
電腦節將於8月25至28日喺灣仔會展舉行，除咗掃貨外，記得嚟睇吓最新嘅5G科技應用！
和記電訊香港行政總裁
古星輝
最Hit
聖誕｜港人北上旅遊逼爆口岸 羅湖滿街「藍精靈」 網民笑稱：意外救活內地一「夕陽業務」
2025-12-25 14:33 HKT
阮小儀結婚丨離開商台鋪路做人妻 森美公開遭告知婚訊一刻 被問小儀老公身份咁回應
2025-12-25 15:50 HKT
10年冇見同學婚禮Wishlist癲過搶錢？港男獲邀觀禮「R人情」 最絕竟是張「禁忌清單」｜Juicy叮
2025-12-25 14:14 HKT
深圳口岸過關實時人流！3招即睇8大關口等幾耐？蓮塘/羅湖/深圳灣 附聖誕除夕開放時間
2025-12-25 12:03 HKT
連鎖酒樓求市奇招！推下午茶$28任食叉燒拉麵+早餐$18.8任添粥品 加配懷舊點心$10.8
2025-12-25 11:30 HKT
55歲阮小儀宣布結婚 晒無名指戒指相：2025年係一個好年份 老公身份掀討論
2025-12-25 15:37 HKT
更多文章
