頭條戲場 - 《叛逆美聲》意大利搖滾巨星 瀨晒嘢成長史 | 頭條戲場
頭條戲場
2024-05-31 02:00 HKT
字體大小
69歲意大利搖滾巨星Gianna Nannini的傳記電影，故事由童年開始橫跨30年。出身富裕家庭的Gianna從小愛音樂，但嚴父只想個女打好網球，做運動員為家族增光，女主角細個話唔到事就陪你癲吓，越嚟越大就當然睬你都儍，好記得Gianna口頭禪「我想做嘅事，就會去做」。全片有好多憂傷、好多毒品，一個關於堅持，排除萬難的追夢故事。 （已上架） 撰文：廖思慧 劇照提供：NETFLIX
Gianna出生於Siena，家有父母及一弟，自小對音樂特別有感覺，完成父親的所有學習要求，包括讀書同練網球，就會扮揸咪跟住電視唱歌，媽媽覺得好可愛，一臉惡形惡相的父親看在眼裏非常唔鍾意。由女童變少女，Gianna更熱愛音樂，自彈自唱功力亦越來越勁，反抗父親能力亦不斷升級，好記得有一幕，父親命令Gianna即場除下迷你裙，甚至立即剪爛，你就會預計到Gianna將會頭也不回，有咁遠走咁遠。
原生家庭的影響力
因為唔甘心亦唔想成為父親期望下的大家閨秀，大個女的Gianna孭住結他離開大屋，隻身到米蘭發展音樂事業，有創作才華又有一把靚聲，最重要後生，冇嘢輸啦。電影着重Gianna的心路歷程，點樣向父親證明自己脫離屋企都可以成功，及如何在理想及現實中作出平衡。Gianna曲風獨特，歌詞憤世嫉俗又好貼地，講吓愛情、性同毒品，聽到新相識朋友嘅快樂人生計劃好有feel，即刻寫首歌出嚟，連處女專輯封面都係自由神像拎住自慰器，相當玩嘢。
電影唔係sell勵志，甚至覺得被毒品包圍，過度博愛的Gianna糟蹋自己，故事線亦薄弱，睇唔出Gianna有幾為音樂努力，但全片瀰漫搖滾加自由feel，所有歌亦好好聽，人物好正又可愛，但真心拍得麻麻。
頭條戲場
因為鬱鬱不得志覺得失望的Gianna，難得獲父親關心。
Marc（Stefano Rossi Giordani飾）係Gianna的惡夢。
因為突破唔到自己，Gianna沉迷毒海。
少女時的Gianna被逼打網球，hea玩比賽一幕激死老竇。
Gianna好有才華，亦不斷遇到好人幫佢。
Gianna推出首張專輯，封面是自由神像拎住自慰棒，老竇嬲到震。
Gianna對髮型師Carla（Selene Caramazza飾）一見鍾情，但得到後又唔珍惜。
最Hit
公屋租置計劃｜房屋局今年研重推 39屋邨現租戶可買單位 一文睇清申請資格、步驟、按揭及注意事項
2026-02-14 15:10 HKT
農曆新年｜醒神拜年都無用 房署禁公屋保安、清潔員收利是 私人屋苑訓令員工勿「主動」索取利益
2026-02-14 22:58 HKT
快餐店新年營業時間2026｜農曆年廿九、年初一照開門？大家樂/麥當勞/美心MX/太興 16大快餐店營業安排一文睇
2026-02-15 12:00 HKT
更多文章
