頭條戲場 - 《犯罪都市：鐵拳掃毒》 多謝馬東石賜我減壓妙法｜頭條戲場
頭條戲場
2023-06-12 00:00
字體大小
馬東石主演的《犯罪都市》系列去到第3集《犯罪都市：鐵拳掃毒》，韓國好收得，大熱勇奪開畫票房No.1，我一向唔太理票房，多人睇唔代表啱自己睇，不過呢個系列唔差，每集都有一個大奸角，然後馬生就要憑一己之力去儆惡懲奸。今次《鐵拳掃毒》大酬賓，有兩個壞人，仲要靚仔又大隻，呢點好重要。 （上映中） 撰文：廖思慧
韓片《犯罪都市》第1集瓦解黑社會，第2集就搗破跨國人口綁架，今次就玩跨國毒品。 因為一單女生墮樓案，馬東石查案期間發現死者並非自殺，而且同夜場販賣毒品有關，然後查呀查，又發現販毒組織由日本黑幫操控，夠料做嘢，馬生即刻拉人，咁順利嗎？當然冇咁簡單，當中包含黑幫二五仔，又有警隊害群之馬阻住晒。馬東石好忙，永遠一個打100個，繼續唔用槍唔用劍齋用拳頭，睇佢一拳KO啲人渣敗類就好治瘉，香港好需要佢。
對電影系列一向唔抱太大期望，即第1集係極品，去到第3集通常都負評收尾。《犯罪都市》系列算係異類，可能同馬東石唔單止做主角，仲擔任電影製作及策劃有關，上心啲自然好睇啲。據馬生透露已計劃8集故事，仲話：「只要觀眾願意睇，我就繼續拍。」真係唔該晒。
完全無冷場
講返套戲，優點係完全滿足入場前嘅期望，即係打戲超密集，馬生繼續拳拳到肉，幾乎秒殺解決，今次仲多咗日本刀手角色，有拳腳又有得睇俐落刀法，即係窄巷中揮刀狂斬幾十人，睇得好爽。缺點係劇情好簡單，零反轉仲要一早自己穿咗自己條橋，壞人抵佢死，好人繼續一生平安，加埋都幾多笑位，呢期睇新聞睇到好難過的你，想紓壓嘅話，入場幫到你。
頭條戲場
靚仔刀手
■日本黑幫刀手Ricky（青木崇高飾），對白唔多，負責殺人同叫手下殺人。
輕鬆拉人
■馬生去夜場查毒品案，發現有客人公然吸毒即做嘢。
乜都識啲
■馬生連開夾萬都識，點夠佢嚟。
有型刑警
■朱成哲（李浚赫飾）係奸嘅刑警，我好膚淺，見佢靚仔又打開心口，唔想佢咁早死。
重點笑位
■左邊成身公仔係小混混，職業係販售二手車，當中包含呃人同恐嚇，好多笑位。
心狠手辣
■李浚赫增肥做奸角，老實講演技麻麻，但我唔care。
韓片《犯罪都市》第1集瓦解黑社會，第2集就搗破跨國人口綁架，今次就玩跨國毒品。 因為一單女生墮樓案，馬東石查案期間發現死者並非自殺，而且同夜場販賣毒品有關，然後查呀查，又發現販毒組織由日本黑幫操控，夠料做嘢，馬生即刻拉人，咁順利嗎？當然冇咁簡單，當中包含黑幫二五仔，又有警隊害群之馬阻住晒。馬東石好忙，永遠一個打100個，繼續唔用槍唔用劍齋用拳頭，睇佢一拳KO啲人渣敗類就好治瘉，香港好需要佢。
對電影系列一向唔抱太大期望，即第1集係極品，去到第3集通常都負評收尾。《犯罪都市》系列算係異類，可能同馬東石唔單止做主角，仲擔任電影製作及策劃有關，上心啲自然好睇啲。據馬生透露已計劃8集故事，仲話：「只要觀眾願意睇，我就繼續拍。」真係唔該晒。
完全無冷場
講返套戲，優點係完全滿足入場前嘅期望，即係打戲超密集，馬生繼續拳拳到肉，幾乎秒殺解決，今次仲多咗日本刀手角色，有拳腳又有得睇俐落刀法，即係窄巷中揮刀狂斬幾十人，睇得好爽。缺點係劇情好簡單，零反轉仲要一早自己穿咗自己條橋，壞人抵佢死，好人繼續一生平安，加埋都幾多笑位，呢期睇新聞睇到好難過的你，想紓壓嘅話，入場幫到你。
頭條戲場
最Hit
更多文章
