頭條戲場——《危樓深淵》爆笑自救逃生指南
頭條戲場
2021-08-28 04:18 HKT
字體大小
由車勝元及李光洙等主演的《危樓深淵》成為韓國年度開畫票房NO.1，電影Sell災難喜劇，究竟面對災難可以點樣笑得出呢?抱住成頭「黑人問號」入場，散場後好有感覺，災難喜劇果然又災又喜，好笑程度係哈足全程，笑位完全估唔到，減壓一流，金志勳導演好嘢。(9月2日上映)撰文:廖思慧
金志勳導演拍完大型災難鉅作《火海108》之後想拍一套更人性化的電影，然後有一日睇到一則關於海外的天坑新聞片段時非常好奇，「如果喺韓國出現咁大嘅天坑會點呢？如果我跌咗入去又會點呢？如果我啲家人跌咗入去又點呢？」然後導演就開始構建角色同佢哋嘅故事，「我冇專注災難本身，只想展示人類應該點樣面對災難。」
為咗搬到首爾方便返工，東元（金成昀飾）辛苦11年終於成功上車買樓，搬新居無耐已覺唔對路，自私同事金代理（李光洙飾）發起入伙Party，飲飽食醉嘅兩人連同一眾鄰居，包括同東元早有牙齒印的萬壽（車勝元飾）一齊直墮地下500米的深坑。
屋企要有求生包
500米有幾深？嗱，香港最高嘅ICC都只係484米咋。被困時可以去廚房摷食物同水，求生物品都唔太難搵，但撞正暴雨，拯救隊又因為天坑隨時再下陷而未能派員拯救，用航拍機拍攝求生者又因太深收唔到訊號而「墮機」，時間一分一秒咁過，以為死路一條？唔好睇小人類嘅求生意志，避唔到一齊撐落去。
咪以為只有李光洙引你笑，車勝元原來更癲，全片笑位計算得啱啱好，導演功力好強，散場時一身鬆晒。
逼真天坑
■《鳴梁》和《死亡「動」新聞》的VFX 團隊負責製作天坑。
新居入伙
■東元搬入新居後好滿足，仲打算影張全家福掛喺廳。
未知生死
■東元老婆去咗買餸，返屋企發現成棟樓冇咗，唔知老公生死。
乜都冇晒
■宿醉嘅東元連同大樓一齊墮下500米。
厲害女生
■實習生洪恩珠(金慧埈飾)講嘢細細聲，但被困時發揮小宇宙。
金志勳導演拍完大型災難鉅作《火海108》之後想拍一套更人性化的電影，然後有一日睇到一則關於海外的天坑新聞片段時非常好奇，「如果喺韓國出現咁大嘅天坑會點呢？如果我跌咗入去又會點呢？如果我啲家人跌咗入去又點呢？」然後導演就開始構建角色同佢哋嘅故事，「我冇專注災難本身，只想展示人類應該點樣面對災難。」
為咗搬到首爾方便返工，東元（金成昀飾）辛苦11年終於成功上車買樓，搬新居無耐已覺唔對路，自私同事金代理（李光洙飾）發起入伙Party，飲飽食醉嘅兩人連同一眾鄰居，包括同東元早有牙齒印的萬壽（車勝元飾）一齊直墮地下500米的深坑。
屋企要有求生包
500米有幾深？嗱，香港最高嘅ICC都只係484米咋。被困時可以去廚房摷食物同水，求生物品都唔太難搵，但撞正暴雨，拯救隊又因為天坑隨時再下陷而未能派員拯救，用航拍機拍攝求生者又因太深收唔到訊號而「墮機」，時間一分一秒咁過，以為死路一條？唔好睇小人類嘅求生意志，避唔到一齊撐落去。
咪以為只有李光洙引你笑，車勝元原來更癲，全片笑位計算得啱啱好，導演功力好強，散場時一身鬆晒。
最Hit
44歲女星現身九龍真光中學運動會 美貌達校花級數曾是校隊成員 做一事獲母校用課室命名
2025-05-09 19:55 HKT
中年好聲音3丨選手後台互動驚見一人被「排擠」 劉洋斥李金凱侮辱人爆發「衝突」？
2025-05-09 22:00 HKT
結業潮2025｜唔止海皇粥店全線結業 半年13間連鎖食肆關門 過江龍／茶餐廳／太興旗下台菜都捱唔住
2025-05-08 12:12 HKT
張智霖媽媽曹珍妮年輕索爆影片曝光 低胸吊帶女人味爆棚 工展小姐冠軍出身演藝世家
2025-05-08 20:30 HKT
一線女星傳為已婚男星海外秘產私生子 線索引網民猜謎 逾10位紅星被點名張曼玉宣萱都有份？
2025-05-09 20:55 HKT
更多文章
