周顯 - 私人會所唔多靜局 | 政政經經
周顯
2小時前
字體大小
那天朋友聚會，有的人識得，有的人則不識，十幾個人飲酒吃零食，tea到8點幾，當作正餐，散完回家，我當然是帶走場中最美的美女，一齊食晚飯啦。
場中有人講起，邊間私人會所點點點，人事變動，會籍變動之類。她又說，從來只去私人會所食飯，因為怕雜云云。
我忍不住說，中環的私人會所，成日撞到人，又有幾唔雜呀？除非你是人人皆識的名人，否則你去屯門食飯傾秘密，仲安全過在中環的私人會所呀！（心中加了一句，扮嘢就扮嘢啦！）
去屯門傾密偈仲安全
如果食飯要靜局，不如去北角福記私房菜，只有一間房，或者去銅鑼灣潮粥燒螺店，都係兩三間房，肯定靜局過中環的私人會所好多。不過後者太貴，人均消費幾千元，香港人恐怕唔多食得起。
新香港人當然食得起，我指的是新經濟新貴，如騰訊五虎將之類，個個幾億元年薪，食乜都食得起啦。不過，新香港人的權貴們個個有私竇，更加不會幫襯私人會所！
周顯
最Hit
