阿碌開咪｜一條毛都不能見光？
《名家合集》收錄名人文章，分享觀點，探討時事。
2022-09-28 13:52 HKT
字體大小
生活在香港，真係想悶都好難。因為不停有新聞爆出，簡直幕幕高潮幕幕金，有的更是金兼勁。上周就有一單，真係笑爆嘴！
好日唔見報，經已八十一歲的前教育署署長余黎青萍，突然變曝光人物，提供一單人人奔走相告，笑到碌地的「新聞」。
因佢失驚無神在監警委員會會議中，正在討論虐兒案時，忽然似「師傅上身」，炮轟TVB《香港小姐競選》穿得「太少布」，間接指有賣弄色情之嫌，更拉埋堂堂總經理曾志偉落水。
當時，余太恍似「道德重整會主席」從天而降，搞到現場委員及新聞界窒一窒，再笑到噴飯。
佢言詞之中，竟涉及暗指志偉利用職權睇三點式。
嘩，呢個指控，立即令TVB高層彈起！大大聲譴責余黎青萍言論影響港姐選舉形象及聲譽，揚言對不實指控及惡意揣測，保留一切法律追究權利。
我看，此事純屬茶杯裏的風波，應該好快拆掂。相信余太並非有動機地刻意針對無記，不過，老人家間中順口「老氣橫秋」，通街都係，司空見慣也。
TVB其實應靜靜雞多謝青萍婆婆。因佢一鬧，嘩，成個港姐選舉由冇乜人留意變成全城關注，更一路追落去睇事態發展。如此，肯定多十零二十點收視，廣告費可以提高嘞。
講返選港姐穿泳衣，根本幾十年前已如此，難道有人過去半世紀是活在夢中的？
講單小弟親身見證的尷尬料。一九七八年，我在《歡樂今宵》做個小小助導，某晚參與製作一個在碧麗宮（已蒸發）舉行的大騷，為的正是要將當屆港姐選舉谷到變全城盛事。公司Call齊全部候選佳麗，穿着三點式表演。綵排時，突然間殺出個女高層，向住台上手指指大叫：「十七號（假設），為乜你冇剃毛？吓？」
嘩嘩，咁都講得出口嘅？真係嚇到我呆咗，更何況「十七號」？現場幾百人望住佢，真係「紅都面晒」要搵窿捐！
嗰時小弟先開始知，原來體毛是女性曝光禁忌，所以，一條都不能見光！
曾智華
阿碌開咪
編按原題為「為乜冇剃毛？」
資料圖片
最Hit
60+歲長者專享優惠！博物館通行證$25 全年任去17個景點！主題樂園/餐飲/購物有折 附申請方法（2025年8月最新版）
2025-08-17 09:30 HKT
餐廳口角｜3女帶4孩點一碗麵 再三免費「續面」遭拒留負評
2025-08-16 11:49 HKT
紅雨｜教育局：所有上午校及全日制學校停課
5小時前
「還錢黨」講齊個人資料 無厘頭屋企樓下追債 醒目女教對付絕招：真係嚇到眼淚都出埋｜Juicy叮
2025-08-16 15:46 HKT
更多文章
