阿碌開咪｜阿仔，你生性啦！
《名家合集》收錄名人文章，分享觀點，探討時事。
2022-01-10 09:00 HKT
字體大小
人的記性系統很有趣，愈遠的，愈記得清清楚楚，所以，童年時的不少片段，會深印腦海（應該到直接離世一天），當中包括畀先父痛斥及先母教訓的內容。
其實早年長輩教仔女，很多用語都來自粵語殘片。例如黃飛鴻在降服歹角石堅後，必定訓斥：「你咁大個人，知唔知個醜字點寫？」其時石堅例必衰衰咁耷低頭認錯。
又例如小媳婦白燕備受家中親戚歧視，但偏偏個仔又唔爭氣闖禍，結果被全個保守家族叔伯嬸母冷嘲熱諷。返房後，就會淚流滿面，捉住個仔「大刑侍候」，然後痛心疾首罵：「唉，阿仔，你生下性好唔好？家陣係乜環境你知唔知？」
今天小弟一幕又一幕想起昔日片段，正因上周四爆出全港奔走相告的「高官議員百人欠防疫意識派對」。
呢邊廂特首公布情勢危急，必須全城戒備，明令封呢度封嗰度再禁食肆晚市，因Omicron來勢洶洶，望市民體諒容忍，一齊捱過非常時期。
那邊廂，真係頂佢頭槌。網上有圖有真相，爆出百位高官議員名人開大派對，不少唔戴口罩大唱特唱、大吃大喝。最弊派對中有人確診！小學雞常識，咁環境，高官議員理應率先做齊防疫典範啦下嘛？點知班友仔不但冇意識，反之，明顯玩得非常投入。
老友，假若你是林鄭月娥，會點諗？
慘情，明知中央對疫情緊張到飛起，稍稍風吹草動，立即封城封區。內地高幹，未能做足防疫安排者，一律烏紗不保。
為乜中央咁揪心？因病毒一旦擴散，勢必影響整個國家的運作及安危，故要滴水不漏。
好嘞，如今正值中央思考下任特首人選之際，無論林鄭會否爭取連任，呢鋪在中央眼中，一定會吸隻黑豬仔。
你話吖，佢如今是否似足文首小媳婦白燕處境，客觀形勢已周身唔妥，你個百厭星徐英偉竟毫無分寸添煩添亂。
一個局長被特首公開痛斥：「十分失望！」正常官場倫理，仲好意思留低？
曾智華
阿碌開咪
民政事務局局長徐英偉。資料圖片
最Hit
自住物業維修津貼2025｜60歲以上長者可享裝修資助！最高可獲$80000 驗窗/改善滲水/更換水管都適用
2025-09-26 18:53 HKT
蘇永康李雲迪復出無望？ 廣電總局點名「3類藝人」禁用
2025-09-26 18:30 HKT
63歲前TVB小生半裸持刀街頭遊蕩 身形暴瘦至見骨 徹底放飛自我？
2025-09-26 20:00 HKT
港鐵阿叔雨傘篤港女 講英文逼讓座：「You stand up！」女事主英文還擊 揭阿叔狼狽下場｜Juicy叮
2025-09-26 16:12 HKT
更多文章
