阿碌開咪｜開盤開到嘭嘭聲
《名家合集》收錄名人文章，分享觀點，探討時事。
2021-12-31 07:54 HKT
字體大小
立法會選舉之後，先而聖誕，後而團年，快樂聚餐一場又一場而來。聚首人物，包括政界、官界、傳媒界、專業界（律師大多）及商界眾老友。
呢種場合，當然唔會講冇癮野，費事大家掃興。所以，一定要搵人人有興趣的Common Interest話題。咁，個個可以踴躍發言，大噴口水，但又唔使負責。
講乜呢？最受歡迎正是絕大部分人都冇得決定（包括遊戲規則及人選！），但又可以議論紛紛的——下屆特首之戰（有冇戰？）及人選。
一講此話題，個個都認秘聞專家及分析專家，總有自己的看法及「堅料」（定流料？）。
特首之戰，至今只剩三個幾月。如此重要一場選舉，仍乜細節、乜人選都未浮上水面。真係唔知乜葫蘆賣乜藥？
唔緊要，咁仲好玩，先來一場牙骹戰，幾乎所有飯局都開盤（其實搵定藉口下餐又食食食！）。
盤路眾多，包括：
一、林鄭月娥唔爭取連任；二、林鄭月娥報名爭取連任；三、下屆特首冇「戰」，因採取澳門模式，一隻馬入閘，一隻馬跑，人人只可買一隻馬；四、多過一隻馬跑，甚至似過渡期第一次選特首有多隻參賽。既已肯定隻隻「愛國愛港」，咁就邊隻跑出中央都應該放心！
四個盤，個個都有極大爭拗。
不過，小弟觀察，似乎噴口水的都只是以個人喜好及傾向分析，客觀成分甚低也。
四個盤，以第一及第二兩個最冇共識。即有一半人堅持林鄭雖唔表態，但觀乎佢的民望與阿爺遲遲唔出聲，可能暗示應「知難而退」，自動返屋企享天倫樂。
但另一半人則自認了解林鄭性格，唔輸得。第一屆「搞成咁」，肯定唔忿，誓要爭取連任，在一切「完善」後，管治變易事，施政應有大作為。
至於第三項，多數認為唔會嘞。因如今政治安全系數百分之百，冇乜風險。故此，扮下有得選較合民情及國家體面。
第四項呢？多過兩隻入閘？除非阿爺想煩啦，怕且唔會嘞！
曾智華
阿碌開咪
有人認為林鄭月娥會報名爭取連任。
最Hit
反常？一家住公屋48年港男交還政府 原因揭盅網民激讚叻仔 事主：做返個有公德心嘅市民｜Juicy叮
2025-08-19 17:00 HKT
陳鵬鵬潮汕菜進軍早茶！免茶錢/點心逐粒計 $9起嘆水晶餃/蝦餃/燒賣/生煎包
2025-08-19 15:55 HKT
免費往來羅湖/落馬洲！港鐵東鐵綫3大優惠 1種人$0乘搭/樂悠咭來回慳$6
2025-08-19 17:10 HKT
京東收購佳寶連推3日全場8折！優惠最後1天門市「真清倉」 貨架/凍肉櫃被洗劫一空 網民：8折就咁樣？
2025-08-19 15:34 HKT
更多文章
