阿碌開咪｜夫婦能不談公事？
《名家合集》收錄名人文章，分享觀點，探討時事。
2021-10-26 08:15 HKT
字體大小
行走江湖，有一定資歷者必知，某些世事世情，角色需要，必須按劇本講，但一定做唔到！
點解？除非你唔係人，冇人性啦！
例如夫妻同在一家公司工作，你真係可以二十四小時公私分明，絕口不提公事，包括機密？老友，小弟職場做四十幾年，真係一單都未見過喎！邊個會有咁犀利，開個名畀我去查下啦！
不過，話說回頭，對外當然要咁講啦，因如此才「操守/政治正確」！你一定知我講邊個，正是夫婦皆紀律部隊出身的政制及內地事務局局長曾國衞及新紮海關關長何珮珊是也。
記者問到，當然要答：「平時無乜需要，亦無乜機會，將公事好具體咁攞出嚟講。」請留意「具體」兩字！
夫妻嚴禁在同一部門工作，乃舉世大機構，尤其金融銀行集團的鐵律。不少規定，一拍拖，立時調職，冇情講！必須黑白分明地避嫌，因冇人會相信你「返屋企唔講公事」。
不如清清楚楚分開。談戀愛？有所犧牲囉。簡單，一個部門內（公營、私營皆如是），必有競爭，而人性中，十之八九不會對人對事對物會冷靜、客觀、公平地去分析，尤其涉及自己利益，更肯定「戴有色眼鏡」去睇。
所以，若平排競爭者中有上司的情人，哈，唔使講你都知會點，一定是非多到「冷氣槽躓爆」！而其他同事也日日當睇戲咁睇。
此時，上司無論點做，也不會被覺事事秉公辦理，終可能搞到連個人威信都冇埋！
所以，最好由公司明文規定，同一部門內，不准談戀愛，以免公私混淆，避免引起內部矛盾。
小弟早年加入香港電台時，就經歷少少尷尬，唔係我，而係我的上司張文新與下屬車淑梅。兩人拍拖，點搞？一個二台總監，一個二台花旦。
得！一於我做「管理三文治」，在新哥未調升前，淑梅一切公事，由小弟這個副總監處理。
當然，仍未能完全塞住悠悠之口，但起碼有個「公事墊」卸力，結果，五年相安無事，未出過亂子！
曾智華
阿碌開咪
新紮海關關長何珮珊指，與丈夫曾國衞日常「無需要亦無機會」具體談論公事。資料圖片
最Hit
中電消費券2026｜2類合資格家庭獲派$100消費券 長者電費優惠客戶有份！4,000餐廳/零售店適用 附領取方法/期限
2026-03-27 12:27 HKT
星島申訴王 | 女工投訴欠供強積金即涉「盜竊」被炒 連鎖茶餐廳CCTV相揭「偷雞」真相
2026-03-28 07:45 HKT
獲派40年舊公屋以為「中伏」 點知「執到寶」 網民：最緊要睇呢樣嘢！｜Juicy叮
2026-03-26 13:32 HKT
更多文章
