【阿碌開咪】解決「政治化」秘方
《名家合集》收錄名人文章，分享觀點，探討時事。
2020-12-15 10:34 HKT
字體大小
假若我是林鄭月娥的公關顧問或新聞秘書（當然唔會做，亦冇能力做），小弟一定等佢心平氣和時，重播N次這位特首開記者會時的表現，然後作出建議、進諫……以至「訓導」。
林鄭上任三年，民望狂低是不爭議的事實。究竟點解？香港人無論乜陣營、乜顏色、乜專業……個個心照，唔使再講。
引用公關形象ABC理論，單論特首在記者會曝光時的言談、姿態、眼神、語氣……已肯定大大有優化（林鄭口頭禪）空間。其實佢應該再受特訓，學下點面對媒介、面對市民，以免次次倒自己米。
特首三年來，肯定已經畀人鬧到滿腔怒火，谷到爆。但作為政治人物，一個城市領袖，怎可隨意情緒失控？可能就此，佢凡曝光，皆會不經意流露出怨憤眼神，很多時更語帶不屑（我咁叻，你班友識乜！），最攞命表現，是冷笑！
人甚麼時候會冷笑？你唔知？睇多幾本武俠小說啦！
近期，佢可能畀人不停指佢對抗疫情無方無能，於是上周五「晒冷」，拉埋成棚局長開記者會，公布政府預訂疫苗抵港日程。
這方面，《星島日報》一定有「功」，因上周三本報曾公開向特首提出十個問題，全關乎香港人最緊張的採購疫苗計畫。可能就此一逼，林鄭冇得唔回應，兩日後即公布詳情。
不過，又嚟料。本來簡簡單單公布，令市民安心算啦，但佢竟又來一招唔忿氣，窒人：「不要將疫苗政治化！」
相信是受上次推全民檢測失敗而深深不忿，故「先發窒人」將一切「政治化」。
香港一日有自由，一日就會有人用政治化眼光睇政府所有政策，正常又平常。
想市民唔「政治化」，對疫苗有信心？易過借火，秘訣是特首帶同所有司局處長，另加行政會議成員及全體建制派議員（個個擁有公權），公開亮相，一字排開，率先接種政府訂的疫苗，以示身先士卒。如此，你班「說三道四」者，仲有乜好雞蛋裏挑骨頭呢？
曾智華
阿碌開咪
林鄭月娥上周五與一眾局長開記者會，公布政府預訂疫苗抵港日程。
最Hit
「還錢黨」講齊個人資料 無厘頭屋企樓下追債 醒目女教對付絕招：真係嚇到眼淚都出埋｜Juicy叮
2025-08-16 15:46 HKT
餐廳口角｜3女帶4孩點一碗麵 再三免費「續面」遭拒留負評
2025-08-16 11:49 HKT
大埔區清晨現神秘人龍？大批長者排隊為免費拎一物 街坊不解：點解天氣咁熱可以等咁長時間
2025-08-15 16:32 HKT
深圳全國最大書城「灣區之眼」8.26開幕！佔地逾13萬平方米 設4大主題書局/大型屋頂公園/餐飲設施（附交通）
2025-08-16 10:15 HKT
更多文章
