【阿碌開咪】最開心特朗普冇咗份工
《名家合集》收錄名人文章，分享觀點，探討時事。
2020-11-11 10:48 HKT
字體大小
前日打開娛樂版，最有趣的新聞，為過去四年，在長壽電視節目《周末午夜場》（《Saturday Night Live》）中，因扮特朗普而大受歡迎，令收視率爆表的男星艾力寶雲（Alec Baldwin)，一段真情表白。
本來，若特朗普落台，佢立即會冇咗個「靈魂」，繼而，份工都可能冇埋，損失慘重。奇在，艾力不但冇發愁，兼且，公開話：「我對即將失去工作感受到前所未有的興奮！」
為乜艾力過去四年咁紅？簡單，因超過一半美國人，覺得「狂特」好惡頂，但又吹佢唔脹，逼住要忍足四年，怒氣點發泄？
美國最大好處，為絕對崇尚言論自由，話之你係總統。結果，所有傳媒界、演藝界、漫畫界……用盡空間去玩殘特朗普。過癮在，你玩「狂特」，佢不但唔介意，反之，日日在Twitter撩交打，令對頭人㷫過火屎。
特朗普愈狂，就愈益晒艾力寶雲，個個禮拜有無盡話題去嘲諷出位總統。
不過，講真，人人心底都問：「癲佬，你究竟幾時肯走，讓世界回復正常呀？」
任何選舉，由總統到議員，投票率高低，有非常重要啟示。投票率低，表示國民及市民對現政府冇多大意見，希望其延續。但相反，若對現政權有極大不滿，民主社會點搞？就是選民一人一票，湧出來趕在任者下台。故此，若投票率超高，現掌權者要連任就難矣。今次美國人空群而出投票，早早散發一種味道——群策群力趕特朗普下台。
特朗普下台，並非因拜登，而是因自己。過去四年，全球樹敵（包括西方世界），作風又串又無情，更詆毁幾乎所有傳媒，咁搞法，邊有運行？
更甚，大部分受高等教育的美國人（主要聚居東西岸），都有一種對品味、道德及「軟實力」的追求，「狂特」上台，????爛面，擺明做真小人。喂，你係市儈小人啫，做乜拉晒全美國落水，更做埋總統，代表「美國價值」？點會唔同你死過？
曾智華
阿碌開咪
編按原題為「最開心冇咗份工」
特朗普。AP
最Hit
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
更多文章
