【阿碌開咪】認購iBond冇癮經驗
《名家合集》收錄名人文章，分享觀點，探討時事。
2020-11-10 09:18 HKT
字體大小
iBond出到第七期，期期我都有申請，連銀色債券也掃埋，可以講是「鐵粉」！
不過，今期的申請令小弟非常冇癮，可能將會冇下次，因銀行無事搞事非常煩。
可能不少認購者也有同樣不快經驗，故決定放棄，於是，今次iBond出乎意料只得四十六萬人申請。
政府原意，撥一百五十億元，即就算一百五十萬人申請，都保證一人有一手的。如今?…
好，講下點解無癮。
童年開始我已是「獅子銀行」的擁躉，幾歲即要求父母帶開戶，因貪佢隻錢罌靚仔，好想擁有，就此成為終身客戶。
二十年前，財富已有一定累積，為方便（也為虛榮），躋身成為「卓越客戶」，即長期最少有一百萬元資產存銀行。這身分，的確帶來不少方便，連到銀行辦手續，都可以坐低慢慢等，櫃員亦更高質素及有禮貌，值！
不過，亦換來某些「陷阱」。十多年前領教過，是櫃員一見你有幾十萬元現金（十多年前啊），立即招手叫「投資經理」與你細談「理財之道」，那次定力少啲，結果「中招」，買咗六十萬元唔等使的「喜上喜基金」，揸幾年，結果最後打和，得個桔，正儍仔。
今次又如何？走到「卓越」櫃位聲明買iBond，以前三五分鐘搞掂。今次？竟答：「我哋會有專人幫你在房內安排！」
吓？即係又有投資經理出動，關埋門先似電影《奪命金》般，要求你先做——明白、明白、明白過程。替你申請完三五萬元iBond後，當然大力游說你買「更大利潤潛質」的投資產品。
簡單事情複雜化，擺明另有動機。我答：「對唔住，冇時間，返屋企用電話或手機理財做啦！」
佢竟話：「兩樣都做唔到㗎，只得上網一途！」
唔……簡單化全廢掉，有乜「蠱惑」呢？回家一上網，明晒。因申請iBond選項中，有問你想借幾多孖展？任填。即係點？大家一定明！可能不少客戶就是覺得條氣唔順，放棄申請作抗議。
曾智華
阿碌開咪
金管局發行新一批iBond通脹掛鈎債券。資料圖片
最Hit
長生津覆檢開始！長者注意紫色通知書 未如期申報或被暫停津貼（ 附最新資產限額＋填表須知）
2026-04-03 19:21 HKT
在職家庭津貼2026/27｜4月上調入息資產限額 申請資格/津貼金額/一次性額外款項一文睇清
2026-04-04 11:53 HKT
六合彩｜8000萬復活節金多寶攪珠結果 頭獎一注中幸運兒擸8114萬 齊來對冧巴 !
2026-04-04 21:33 HKT
更多文章
