【阿碌開咪】「黑仔」金融中心淪銀主盤
《名家合集》收錄名人文章，分享觀點，探討時事。
2020-10-09 16:20 HKT
字體大小
風水，我唔識，但肯定天地之間，很多玄妙事物，自己無法亦不懂解釋。
例如買樓，當然要先睇樓。有啲樓，一入去個人就感覺良好，遇上這種情況，我多不會講價，因這種令你Feel Good的樓，可遇不可求，就算多一百幾十萬元上落，若付得起，就絕不應計較。
事實，所有這類我買入的物業，住完再賣出，全無難度外，價錢更次次增值不少。
相反又如何？就算面積大大，地區方便，價錢吸引，總之，若磁場唔啱，我必即走，當然更唔會還價。
以上感覺，間中走到現代大型商業中心，也會出現。所有這類中心，基本都不惜工本，設計到非常奢華，簡直揮金如土。例如，最近九龍灣有一棟金融中心，淪為銀主盤，幾年前，根本冇人信會搞成咁。
呢座金碧輝煌中心，二○一五年落成，我第一次去，已有種無法解釋的不安感，因大門口有座與整幢中心品味毫不協調的巨型四面佛像，總之就是格格不入。
步入中心，亦有種很「虛」的感覺，難解釋。
這座中心的主人，二○一五年之前，真的是順風順水，搞乜賺乜，養馬贏馬，威風到不得了，但正正在二○一五年之後，運程開始變。佢最威猛時，在中心有幾家極豪華食肆，頂級中菜及法國菜有齊。挖大廚，從不手軟。我認識的一位米芝蓮廚神，正畀佢重金挖到坐鎮中菜廳，大展拳腳。
點知講都冇人信，因中心地段較僻，晚上根本冇街客。大廚原本雄心勃勃，結果晚晚要面對「空城」，變英雄無用武之地，有點鬱鬱寡歡。更慘情，不久之後，更確診癌症，從此無法工作，捱了一段時間，終於離世。
而這座中心的主人，近三年亦頭頭碰着黑，幾乎做乜都唔掂。最弊，早年意氣風發時，借天文數字債款，本準備開展N個大型計畫。結果，一個個大浪冚至，散晒。
九龍灣的金融中心淪為銀主盤，很可惜。但回想第一日踏入去時的不安感，也好像早有預兆！
曾智華
阿碌開咪
編按原題為「『黑仔』金融中心」
九龍灣的金融中心淪為銀主盤。
最Hit
颱風樺加沙．公共服務︱公院全日暫停所有非緊急服務 社署轄下福利服務單位全關
2025-09-23 16:00 HKT
颱風樺加沙｜打風窗邊滲水急救法！鋁窗工程公司教路5招KO漏水 飲管/保鮮紙/尿片都得？！
2025-09-23 08:00 HKT
更多文章
