上水驚現動物煉獄 25病貓屎尿為伴多隻貓B命危 女租客向毛守求助
發佈時間：16:33 2025-10-01 HKT
上水華山村驚現動物煉獄，一間只有500呎的兩層村屋內有飼養逾25隻貓狗，所有貓貓均患嚴重感冒，全部佈滿眼膠鼻涕耳蟎，部份貓B更無力走動，倒卧一角。動物救援組織「毛守救援」昨日（30日）發布一段拯救動物影片，指屋內環境非常惡劣，屋內門窗緊閉，空氣狀況極差，傢俬及地上滿佈屎尿，臭氣熏天，呼籲其他動物機構或義工伸出援手協助救貓。
片段中，毛守救援創辦人陸家捷Kent戴着頭燈，檢查村屋地下每個角落，其間見到多隻病貓在屋內行內行去，另有幾隻貓B奄奄一息，而且更有一隻毛髮打結的松鼠狗坐在貓旁，感到驚訝道：「全部病喎啲貓！本身無一隻正常，點解會咁㗎？啲屎屎尿尿無清理嘅咩，啲貓就好似就死咁，仲慘過街嗰啲（流浪貓），搞唔掂喎呢度，我未見過咁差，無一隻唔病，呢幾隻就嚟死添」。
該名女租客解釋貓及狗的來歷，聲稱自己是病人及需要住院，在颱風「樺加沙」襲港前見到多隻由附近老婦一直照顧的貓在村屋外出現，而老婦不知去向，於是將牠們帶入屋，並放置貓砂盤供牠們使用，並買飯混貓糧餵飼，又指擔心牠們走失，所以關上全部門窗。至於該隻松鼠狗，她則指在上水街頭發現，檢查過沒有晶片，估計是有人走失，便帶回家及貼街招著狗主聯絡她。
片段中見到，屋內放滿雜物，十分凌亂，傢俬及地上滿佈屎尿，非常污糟，屋內的貓包括成貓、幼貓、懷孕貓，全部都非常瘦弱，更有貓B奄奄一息。對於Kent的多次提問，女租客「細細聲」表示自己有心無力，「我畀佢哋食姐，我唔知點照顧佢哋㗎」，故向毛守求助，希望他能將牠們帶走。
由於需要拯救的貓隻數量龐大，治療、收留、照顧、安排領養等所費不菲，毛守難以應付，只能在社交平台發帖向義工或其他動物機構求助，「現場發現有多隻成貓，8隻幼貓及最少3隻大肚貓。所有貓隻不論大小均患有嚴重感冒， 目測全部有眼膠鼻涕耳蟎，部份幼貓已經無法走動，義工已即時撿起送到診所進行急救。由於現場貓隻健康已經出現問題，醫療費用將會是其中一個重要問題，其次由於毛守獸醫位置有限，要全部接走貓隻，需大量暫託家庭」。
Kent接受傳媒訪問時表示，女租客屋內放有大量藥物，加上精神恍惚，相信並非蓄意虐待動物，現階段暫不考慮報警，會以救援為優先目標。
