火鍋放題打包｜「千海水產」事件激起大量二次創作網民：水都抽乾

更新時間：20:21 2025-09-28 HKT
發佈時間：20:21 2025-09-28 HKT

荃灣廣場「千海水產海鮮火鍋放題」一對男女顧客「又食又拎」事件，不但引發全城為事主起底，連帶其他群組亦紛紛「抽水」，有網民模仿「宜家家居」出帖，在一個疑似家中打邊爐背景中手揪一袋裝滿海鮮的密實袋，留言直指「Ikea保鮮袋好用」，暗諷當晚男女利用普通膠袋裝走生蠔海蝦等海產，還煞有介事般在圖片上加上「IKEA」標識模仿宜家官方Facebook出帖，有網民見狀笑言「IKEA就出告示、告佢」，亦有網民指樓主「抽乾水」。

有網民模仿「宜家家居」出帖，在一個疑似家中打邊爐背景中手揪一袋裝滿海鮮的密實袋，留言直指「Ikea保鮮袋好用」。

今日有帖主貼上自拍圖，留言聲稱千海水產今日「加強咗人手」。

火鍋放題貪心男女又食又拎生蠔肥牛蝦蟹乜都塞落袋職員客氣勸交還

另一個香港啤酒關注組Facebook群組內，今日有帖主貼上自拍圖，留言聲稱千海水產今日「加強咗人手，睇實啲食客，散場想拎罐啤酒飲下都唔容易」，引起網民熱論，不過有眼利網民一眼看穿相中侍應及食客均穿上長袖衫，認為圖中事發日子應為冬季，發帖純粹博取眼球吸流量「岀面30度，相入面個個長袖衫，咪玩啦！」被其他網民力讚有洞察力。

火鍋放題打包｜旺角放題同業拍片「抽水」籲勿打包網民斥：真係要搵窿捐

事件發生後，荃灣千海水產分店周日晚上仍然人頭湧湧，大量食客等候排隊入場，而飲料區亦有明顯告示，表明店內所食品及飲品只限場內享用，請勿帶走，若有發現一律視作盜竊處理。

↓立即下載星島頭條App↓