火鍋放題打包｜千海水產男女又食又拎 街坊批過份：唔好影衰香港人
更新時間：15:09 2025-09-28 HKT
發佈時間：15:09 2025-09-28 HKT
發佈時間：15:09 2025-09-28 HKT
字體大小
荃灣廣場「千海水產海鮮火鍋放題」一對男女「又食又拎」事件，街坊一面倒批評涉事男女「過份」、「唔好影衰香港人」，亦有人建議火鍋店殺一儆百，即時報警提高阻嚇性。
陳女士認為火鍋店應該報警處理。林思明攝
相關新聞：貪心男女食火鍋放題又食又拎 生蠔肥牛蝦蟹乜都塞落袋 職員客氣勸交還
千海水產成人三小時午市火鍋放題價錢為 318 元加一，事發於昨中午約12時許，據說該對男女曾光顧過兩、三次，二人被職員踢爆後將食材交回，進食多半小時後自行結帳離去，並無致歉，店方亦未有報警。
涉事火鍋店。林思明攝
分店經理：客人有異引起店員懷疑
「千海水產」荃灣分店李經理接受傳媒查詢時表示，昨中午12:30至12:45期間，發現某張枱不停叫追單，追相同的產品卻未進食，其間店員執拾碗碟時，發現客人有異，引起店員懷疑，翻查閉路電視揭發客人曾放了兩袋食物落袋。
事件引起全城矚目，街坊陳女士表示，涉事男女行為過份：「我哋唔會咁做，肚食到幾多就幾多」，「唔好影響香港人，幫幫香港人爭氣」，她贊成火鍋店報警處理，增加阻嚇力。
荃灣廣場「千海水產海鮮火鍋放題」「又食又拎」事件。林思明攝
另一街坊稱，曾幫襯千海水產，感覺不錯，座無虛席，經常要訂位，對涉事男女貪心行為，她認為：「唔啱，過份」，「做人應該有自己責任，食嘢就食嘢，畀錢就畀錢」。另一名女街坊表示，放題任食，即場吃得幾多就幾多，不應偷偷把食材裝走，有損食店利益。
相關新聞：火鍋放題打包｜旺角放題同業拍片「抽水」籲勿打包 網民斥：真係要搵窿捐
相關新聞：火鍋放題打包︱黃傑龍笑稱似「魔術表演」 談放題經營之道：如情況太嚴重或全行要加價
最Hit
羅湖口岸｜男客攝「20萬港幣現金」當鞋墊？ 出境香港違規被查︱有片
2025-09-27 17:20 HKT
蔡少芬逾4千萬豪宅大公開 2500呎空間私家泳池加巨型花園極奢華 被封娛圈樓后細數億元物業
2025-09-27 17:00 HKT
自住物業維修津貼2025｜60歲以上長者可享裝修資助！最高可獲$80000 驗窗/改善滲水/更換水管都適用
2025-09-26 18:53 HKT
荃灣公屋自行裝修1萬元有找 港男分享鋪地板心得 網民大讚：好貼地｜Juicy叮
2025-09-27 10:50 HKT
