火鍋放題貪心男女又食又拎 生蠔肥牛蝦蟹乜都塞落袋 職員客氣勸交還
發佈時間：23:37 2025-09-27 HKT
一般火鍋放題都有限時規定，以及要求食客不能擅自將食材及飲品帶離餐廳！網上流傳一段荃灣「千海水產」火鍋店職員隨身攝錄機所拍攝影片，片中見到一名職員有禮地向一對顧客要求將環保袋的食物全部交還，「食物衞生啦始終都，食到全部可以喺度食」。初時男子在袋中取出一袋裝滿海鮮的膠袋，之後在職員再三勸喻下，始將身旁的環保袋交出，令職員非常吃驚：「成袋呀？」。有大律師指出，涉事男女偷偷把食材裝走可構成盜竊罪。
火鍋店職員踢爆 涉事男女初時唔認
片段長約2分鐘，片中見到一名男職員手持托盤走近一張二人枱，並向男女顧客表示：「CCTV打電話落嚟，見到係咪唔覺意攞咗啲嘢食落個袋？」。初時該對男女亦未有承認，直到職員非常客氣勸喻：「麻煩攞返出嚟，因為睇住我做緊嘢，攞返出嚟就簡單啲，因為食物衞生啦始終都，食到全部可以係度食」。
相關新聞：火鍋放題打包︱黃傑龍笑稱似「魔術表演」 談放題經營之道：如情況太嚴重或全行要加價
男子其後施施然從身旁一個黑色環保袋中，取出一個袋滿海鮮的膠袋，之後職員要求男子再取出袋內的肥牛，但男子立即表示該些肥牛不屬於火鍋店。職員未有理會，堅持要求男子交出袋內所有擅自取走的食材，「嗰啲牛肉應該係我公司，唔好意思，攞埋出嚟，仲有啲蝦呀盛，不如成盒攞出嚟好嗎？始終都要保障返顧客，食幾多唔緊要，我哋大把時間，但就唔可以攞走，因為張貼晒出嚟，麻煩晒。」
男子表現慌張，從袋內取出一大堆肥牛後，最終將整個環保袋交予職員，令職員大為震驚：「成袋呀？」職員隨後將食材全部取走，之後將所有食材放在枱面檢查，包括生蠔、蟹、魚片、蝦、肥牛及公仔麵等，「啱啱喺A49見到個客盜取比較多嘅食材拎走」，片段就此結束。
相關新聞：千海水產男女又食又拎｜旺角放題同業拍片「抽水」籲勿打包 網民斥：真係要搵窿捐
影片火速在網上瘋傳，不少網民認為該對男女行為失禮兼肉酸，亦有人認為該名男職員非禮有禮貌，未有向該對貪心食客破口大罵，非常專業，「肉酸到爆」、「攞咁多誇張咗啲喎，起碼整到兩餐」、「可以報警、因為寫明唔可以攞走」、「個肥仔肯定好焦急，佢徒手嗱完一堆肥牛之後，竟然冇意識地撥頭髮⋯」、「攞返屋企再打過火煱，好核突囉」、「好明顯係慣犯」。
據了解，涉事火鍋店位於荃灣廣場千海水產海鮮火鍋放題，主打即撈鮮活海鮮，顧客可以享用鮑魚、蝦、貝、蟹等生猛海鮮。事件疑似發生於周六（27日）中午，該對男女曾光顧過兩、三次，結帳離開時並無就行為致歉，店方亦沒就事件報警。
大律師：可構成盜竊罪
大律師陸偉雄表示，任食放題有所規限，一般即場限時任食，倘把食材偷偷帶走，可能觸犯盜竊罪，最高刑罰可判監十年。至於二人還未將食材帶出食店，會否構成盜竊罪，陸認為，即使不構成盜竊罪，也可構成意圖盜竊罪。
陸表示，有市民在酒樓用膳後，會把吃剩的餸菜打包帶走，那是無可厚非之事，但據網上片段，涉事男女一檯食物，收藏在袋內的食材均是較昂貴食物，相信已非存心帶走吃剩食物，而是一種貪心行為。
