大埔康樂園滅門案‧二｜妙計緝兇 一杯水照出真兇身份
發佈時間：07:00 2025-07-09 HKT
大埔康樂園三屍命案，三母子慘遭勒死及掛屍浴室內，在當年閉路電視未普及，又在沒有人證下，警方只能靠環境證據追查真兇身份。30個沒有指紋的古怪掌印、煙頭及馬經，警方又怎樣抽絲剝繭，一步步將真兇揪出，由兩名前警署警長陳添和及梁炳親身披露當年鮮為人知的智破冷血兇手身份內幕。
大埔康樂園滅門案警傳召200人助查
事發後，警方在場搜獲煙頭和馬經等物件，證實不屬於戶主家人，好可能是兇手留下，推斷兇徒喜歡賭馬及吸煙，或者與基層勞工有關。
入屋行劫不少涉及裝修工，但是康樂園於1980年3月分階段入伙後，裝修工程數以百計，要從中找出真兇有如大海撈針。警方一度傳召大約200人助查，足智多謀的前警署警長陳添和就想出方法令真兇露出馬腳。
陳添和表示：「我吩咐準備一杯水，盡量問多啲嘢，傾耐啲，口乾就會需要飲水。」助查人士完成會面後，探員馬上將玻璃杯拿去化驗套取掌紋。
相關新聞：大埔康樂園滅門案‧一｜男戶主最恐怖一夜 妻被勒死子女掛屍浴室
泥水工掌紋與兇案現場掌紋吻合
前警署警長梁炳當時在灣仔警察總部，負責帶領三隊同事進行會面調查工作。
10月13日，梁炳在巡視同事工作期間，發現一名33歲泥水工姜善治相當可疑，於是他親自向他錄取口供，從中找到線索。梁炳憶述：「當日係星期三，由我同一些隊員接見佢哋，發現呢個人有好大可疑，因為喺調查階段，佢好多嘢發表，好鍾意講馬，當日係星期三嚟架，5點幾6點先嚟寫字樓畀我哋接見，同跑馬時間好接近，好似對於呢樣嘢好重視…… ，搵到馬經煙頭，好符合呢個人身份，當時直覺覺得佢多數係。」
其後，化驗結果證實，姜善治的水杯掌紋，與兇案現場的掌紋吻合。
疑兇住所搜出手指頭膠套
三日後10月16日凌晨，探員突擊搜查姜善治位於灣仔大王東街住所，在場找到一些手指頭膠套。
陳添和說：「我好奇問佢，你用嚟做乜嘢架，佢當時答我開工用嘅……，佢話打地台，驚整損手指，用嚟笠住手指。」陳添和又說：「我即刻諗起現場，所有掌印冇指模。」除此之外，又在姜善治住所內找到一些馬經及香煙。
繩結成破案關鍵
陳添和說：「喺佢間房裡面搵到馬經，投注飛，同埋啲煙仔，有總督、健牌，…… ，總督香煙煙頭。」
梁炳說:「我哋拘捕佢差唔多隔咗兩個星期，嗰日又係禮拜三，同我哋喺現場搵到嘅馬經 ，係好match（符合）。」
最令梁炳相信姜善治就是真兇的另一個原因，是在住所內找到打了結的繩索。
梁炳:「喺兇案現場吊住兩個小朋友，打嘅結正正係三行師傅常用嘅繩結，法醫官解佢落嚟果陣，都叫我哋保存呢個結，因為呢個結就算做童軍都唔識打。」
雖然種種證據顯示，姜善治極大可能與案件有關，但他被帶署扣查期間，一直拒絕交代案情，令警方不清楚他為何要對三母子下毒手，究竟純粹是謀財害命，抑或與羅家有深仇大恨？
