六旬漢西貢獨自行山亡相依為命兄感痛心：我都仲未消化到

突發

更新時間：22:09 2024-12-26 HKT
發佈時間：22:09 2024-12-26 HKT

一名61歲姓杜男子今日（26日）被發現昏迷倒卧西貢標尖角，送院搶救後不治。據了解，事主為一名通宵更保安，在美孚上班，未婚，有高血壓，數年前曾進行通波仔手術，與兄長居於藍田德田邨一單位，一直相依為命。

據事主的兄長表示，弟弟平日放工後會帶同自己的帳篷到戶外或沙灘休息，之後等到黃昏時間才回家，早前他曾到塘福、舂坎角郊遊，但從未聽過他提到到標尖角一帶行山郊遊。

相關新聞：西貢六旬漢疑獨自上山暈倒途經山友發現惜太遲

事主的兄長又指最後一次見他是昨日，但他並不知道對方今日放工後會到西貢行山，警方事後亦未有向他交代弟弟被發現的情況，對於他突然離世感到痛心，「知佢以前通過波仔，但都係話唔好做劇烈運動，我好少聽佢話行標尖角，但睇返段路都唔係話好斜，正常都負荷到…都真係幾諤然，可能未來呢兩日過去（標尖角）睇下啦，我都未消化到…」。