名人戰商界——山度士用足球去幫人三歲到80歲都教

專欄

更新時間：11:59 2015-06-19 HKT
發佈時間：00:00 2013-03-22 HKT

       05年以自己名義成立足球學校的山度士（山Sir），09年經朋友介紹認識車路士高層，大家傾過後發現辦學理念一致，同是希望用足球去幫人，於是「山度士足球學校」變為「車路士足球學校」。現時身為該校技術總監的山Sir，要走勻全港15區進行慈善推廣和足球訓練工作，服務對象也不止小朋友、邊緣青年和殘疾人士，甚至推廣給長者和開辦女子班，一於3歲到80歲都教，將足球運動進一步發揚光大。採訪：李佩儀
      其實已正式註冊為非牟利機構的車路士足球學校跟英國的車路士球會掛鈎，球會定期派教練來港作交流，山Sir坦言：「唔係咁容易同英超球隊合作，但佢哋嚟過睇我哋嘅設施，知道我哋好用心去做，唔係話我退咗休，開所足球學校搵生活費就算，希望真係可以去幫人，而且唔係淨係幫小朋友，O依家3歲到80歲都做緊。」
      現時山Sir逢星期一至日都會到不同地區教授足球，除了教小朋友和邊青外，也有殘疾人士，最近則推廣給長者，又會開女子班；每逢過時過節，他還會率領學員去派平安米或月餅送暖。
      滿足感勝金錢
      除慈善以外，足球學校也有收費班，始終學校是自負盈虧。
      別人說他們賺大錢，但他笑言：「如果想賺錢不如去做保險，之前有朋友話畀5萬蚊我，叫我跟佢出出入入。」但山Sir拒絕，他稱現時收入雖不算高，又要租樓住，但這份工作令他有莫大的滿足感，非金錢可以衡量。