Cally - 香港太古可口可樂慶祝60周年大玩「換」樂潮加搶眼打卡位 | 商界講呢啲

專欄

更新時間：08:19 2025-10-03 HKT
發佈時間：08:19 2025-10-03 HKT

　　唔講唔覺，原來香港太古可口可樂已經札根香港60年，為咗同多年嚟支持嘅市民一同慶祝，由即日起至10月31日，香港太古可口可樂將會同極具代表性及香港特色嘅人氣景點星光大道合作，打造巨型可口可樂樽打卡位，5枝高達2米嘅可口可樂瓶矗立喺維多利亞港岸旁，等大家可以隨意打卡合照，兼且可以享有雙重換領獎賞，包括喺星光大道旁指定美食亭或銷售亭，購買兩款指定香港可口可樂飲品或套餐，即可獲得精美可口可樂紀念品一份；以及今個周末（10月3日至5日）指定時間喺巨型可口可樂樽前拍下靚相並上載至社交媒體，加上指定標籤#60SCCHK，即有機會換領神秘禮物一份。

　　至於同樣驚喜嘅，係由即日至10月31日期間，喺指定便利店、超級市場及網購平台等惠顧香港太古可口可樂指定產品，或消費滿指定金額，即送贈全新推出「香港情懷迷你情境鎖匙扣」盲盒一個，合共有6款鎖匙扣，均以經典香港場景為設計，例如超市、便利店、冰室等，而其中一款更係神秘隱藏版盲盒！數量有限，送完即止。假如想一次過集齊一套盲盒，亦有方法：只要憑優惠碼喺香港太古可口可樂e-Shop購買指定產品滿$499，除可即減$50之餘，仲送全套6款香港情懷迷你情境鎖匙扣連獨家禮盒（限定50套）。除咗可以變身掛飾之外，6款鎖匙扣嘅底部其實係拼圖，可以拼湊成為可口可樂生活日常場景，好有心思！