Cally - 信和集團特設巨型扭蛋機大派禮品與眾同樂慶祝國慶76周年 | 商界講呢啲

專欄

更新時間：02:00 2025-09-18 HKT
發佈時間：02:00 2025-09-18 HKT

　　信和集團咁多年嚟一直與香港市民攜手同行，見證住城市發展與繁榮。佢哋喺今年7月1日舉辦嘅慶回歸活動大獲成功、叫好叫座後，信和集團決定喺十一國慶當日再下一城舉辦慶祝國慶活動，希望同市民及訪港遊客一齊，與眾同樂慶祝中華人民共和國成立76周年，攜手締造更多美好回憶。

　　喺10月1日當日，信和集團旗下四大商場——屯門市廣場、奧海城、荃新天地及中港城都會特設巨型扭蛋機，扭蛋機入面仲準備咗10,000份驚喜禮品。香港市民及遊客都可以免費扭蛋，保証人人有獎，一試自己嘅運氣，贏取禮品。信和集團希望藉住呢項活動為市民帶嚟歡樂同驚喜，同時透過國慶嘅節日氣氛拉近彼此嘅距離，提升整個城市嘅幸福感。

　　想了解更多信和集團國慶活動嘅詳情，記得留意佢哋嘅官方網站及社交媒體平台啦！

答問卷拎禮品︰市民對2025《施政報告》滿意程度」問卷調查
↓立即下載星島頭條App↓