落毒案錄音被告指事主呃感情
發佈時間：03:00 2025-07-01 HKT
29歲食環署外判員工涉嫌向女下屬落毒案昨在西九龍法院續審，在庭上播出錄音，男方直認曾向女方送贈朱古力及幫忙搬運傢俬以表愛意，惟其後發現女方將禮物轉予其男友，另揭傢俬放於他們同居單位使用，故心生怨恨而在女方飯盒落毒，更在女方出院後再在教會撒水銀洩憤。任教會牧師的女事主父親直斥「就算無CCTV錄到你，聖靈都會同我講，你喺度放毒我唔知？你當聖靈流㗎？」，被告則哽咽辯稱「我付出咗咁多」，卻慘遭女方「呃感情」才作此極端行為。審訊明續。
羅姓女事主的父親去年12月與被告叶文飛於教會進行小組面談，庭上播出錄音對話，包括叶在女事主飯盒落毒並在教會撒水銀的事宜。羅父向叶稱「有啲地方有迷你鏡頭，所以你放咗水銀係教會雪櫃頂、廁所，我地全部都知，你做咩要放毒係我教會到？」，憤言「我真係X你個肺，放毒喺我教會度，我嬲到噴火」，另指「就算無CCTV錄到你，聖靈都會同我講，你喺度放毒我唔知？你當聖靈流㗎？」，並指「我未信耶穌一定砌你」、「你起碼斷幾條骨，甩幾隻牙走」等。
事主父：你當聖靈流㗎？
叶憶述女事主曾表示沒有男朋友，期間「曉諭（女事主）收咗我禮物，主動叫我買嘢」，惟其後叶發現事主與他人的親密合照「見到唔係好着衫嘅相」，叶覺事主「呃我感情」故在教會撒水銀。叶續訴說「有一次（事主）叫我幫手搬嘢，事後知道原來間屋係俾佢哋同居用」，叶直斥「侮辱性好強，我搬傢俬俾佢哋去開房喎」。叶曾向事主送贈朱古力，卻得知對方轉贈男友，更問男友「BB，啲朱古力好唔好食」，忿然在女方飯盒落1至1.5克亞硝酸鈉，叶直認「我嬲，想俾個教訓佢」。
叶解釋落毒後旋即悔意湧現，「我無諗過搞到咁嘅程度，驚佢真係瓜咗」，原欲接事主出院及作補償，惟悉對方已被男友接走後，更怒從心起於當晚再在教會撒水銀。叶承認「憤怒嘅情緒令我殺錯一千都唔想放過」，指「我知道曉諭出面有第2個之後」便已購入毒藥。叶終在錄音尾段遭警方拘捕。
羅父在辯方的盤問下明言，曾被叶以「岳父」相稱，令其「好抗拒、厭惡」，補充「佢（叶）竟然單方面諗住同我個女結婚」，故向叶指二人不合適發展為情侶。辯方質疑羅父在錄音對話中，曾高聲呼喝被告，羅父同意並解釋是希望叶如實作答。
案件編號：WKCC5337/2024
