商台《在晴朗的一天出發》DJ蔓兒突然被炒 即時離職原因未明惹揣測：睇到兩張支票就喊唔出
發佈時間：20:10 2025-07-01 HKT
商台節目《在晴朗的一天出發》任職幕後的DJ蔓兒，在商台工作7年，上星期突然收到解僱通知，昨日（30日）蔓兒在IG自爆已加入失業大軍行列，蔓兒留言：「蔓兒失業了！上星期五原以為又係尋常嘅工作天，結果變咗last day」。蔓兒被炒事出突然，她亦未有透露原因，因而引起不少揣測。
商台DJ蔓兒職員證爛溶溶
蔓兒昨日在IG出PO，公開與商台一眾同事的合照，又拎起兩張支票打卡，計足遣散費，以及一張爛溶溶的職員證，收拾私人物品離開。蔓兒直言心入面有好多不同想法：「被通知嘅一刻心入邊有好多唔同嘅想法同感受湧現，但最強烈嘅一個想法就係『今日套衫唔夠靚！』失業唔緊要，最緊要靚！於是就返屋企換套衫，順便攞個紅白藍膠袋返公司執嘢」。
相關閱讀：DJ麻利被爆離效力逾10年電台 商台承認達成共識暫別節目
商台DJ蔓兒即時解僱：
商台DJ蔓兒回憶7年點滴
蔓兒回憶7年來的點滴：「一邊執枱一邊睇返自己哪創作（on9嘢），諗返呢七年多以來晴朗大大小小嘅活動、慶祝生日企劃、903籃球賽、Sis私服服、九零三八………自己都真係學咗好多嘢、做咗好多嘢、成長咗好多！（同埋都老咗好多！）」
商台DJ蔓兒感謝相遇同事
蔓兒又感謝同事：「感謝呢度令我遇見唔同嘅人同事！人嘅記憶體有限，我只會記得好人好事，開心喺last day可以同大家一齊食飯！雖然啲男仔唔會講啲咩關懷嘅說話，但都feel到佢哋係關心我嘅（應該），好嘅就話幫我搵工，衰嘅就嗌飯嗌七個餸，食七咁食，睇嚟真係好想送我一程！笑死！」
商台DJ蔓兒迷惘又懶懶閒
蔓兒計畫轉換新環境：「七年，要學嘅嘢學咗，做到嘅嘢都做咗，每日循環做同樣嘅事情有時都會諗究竟幾時先完。所以其實都知係時候轉換一下新嘅環境，不過自己都係有d迷惘同懶懶閒。所以而家咁樣都好嘅，俾啲時間同錢錢我休息吓做吓gym去吓日本。宇宙對我好好，相信佢係用最好嘅方法帶我去一個更好嘅地方，尋找更好嘅自己。（事出突然，同唔到晴朗團隊合照，遲啲有機會補返掛！）#其實俾人炒好似應該要唔開心 #但睇到兩張支票就喊唔出 #歡迎用錢錢撻我 #失業KOL」，而蔓兒已整理心情，還外出到商場支持湯令山。
細So蘇耀宗被商台炒魷：
