商台《在晴朗的一天出发》DJ蔓儿突然被炒 即时离职原因未明惹揣测：睇到两张支票就喊唔出
发布时间：20:10 2025-07-01 HKT
商台节目《在晴朗的一天出发》任职幕后的DJ蔓儿，在商台工作7年，上星期突然收到解雇通知，昨日（30日）蔓儿在IG自爆已加入失业大军行列，蔓儿留言：「蔓儿失业了！上星期五原以为又系寻常嘅工作天，结果变咗last day」。蔓儿被炒事出突然，她亦未有透露原因，因而引起不少揣测。
商台DJ蔓儿职员证烂溶溶
蔓儿昨日在IG出PO，公开与商台一众同事的合照，又拎起两张支票打卡，计足遣散费，以及一张烂溶溶的职员证，收拾私人物品离开。蔓儿直言心入面有好多不同想法：「被通知嘅一刻心入边有好多唔同嘅想法同感受涌现，但最强烈嘅一个想法就系『今日套衫唔够靓！』失业唔紧要，最紧要靓！于是就返屋企换套衫，顺便攞个红白蓝胶袋返公司执嘢」。
相关阅读：DJ麻利被爆离效力逾10年电台 商台承认达成共识暂别节目
商台DJ蔓儿即时解雇：
商台DJ蔓儿回忆7年点滴
蔓儿回忆7年来的点滴：「一边执枱一边睇返自己哪创作（on9嘢），谂返呢七年多以来晴朗大大小小嘅活动、庆祝生日企划、903篮球赛、Sis私服服、九零三八………自己都真系学咗好多嘢、做咗好多嘢、成长咗好多！（同埋都老咗好多！）」
商台DJ蔓儿感谢相遇同事
蔓儿又感谢同事：「感谢呢度令我遇见唔同嘅人同事！人嘅记忆体有限，我只会记得好人好事，开心喺last day可以同大家一齐食饭！虽然啲男仔唔会讲啲咩关怀嘅说话，但都feel到佢哋系关心我嘅（应该），好嘅就话帮我揾工，衰嘅就嗌饭嗌七个餸，食七咁食，睇嚟真系好想送我一程！笑死！」
商台DJ蔓儿迷惘又懒懒闲
蔓儿计划转换新环境：「七年，要学嘅嘢学咗，做到嘅嘢都做咗，每日循环做同样嘅事情有时都会谂究竟几时先完。所以其实都知系时候转换一下新嘅环境，不过自己都系有d迷惘同懒懒闲。所以而家咁样都好嘅，俾啲时间同钱钱我休息吓做吓gym去吓日本。宇宙对我好好，相信佢系用最好嘅方法带我去一个更好嘅地方，寻找更好嘅自己。（事出突然，同唔到晴朗团队合照，迟啲有机会补返挂！）#其实俾人炒好似应该要唔开心 #但睇到两张支票就喊唔出 #欢迎用钱钱挞我 #失业KOL」，而蔓儿已整理心情，还外出到商场支持汤令山。
细So苏耀宗被商台炒鱿：
