Cally - 信和集團慶祝香港特區成立28周年 7.1免費派28,000杯雪糕及爆谷 | 商界講呢啲

專欄

更新時間：02:00 2025-06-20 HKT
發佈時間：02:00 2025-06-20 HKT

為慶祝香港特別行政區成立28周年，信和集團會喺7月1日推出一系列精彩活動，與市民共享節日喜悅，當中包括喺信和旗下商場同利東街，免費派發28,000杯雪糕及爆谷，同時亦為小朋友送上40厘米熊貓造型氣球，同全港市民一同慶祝香港回歸祖國嘅重要時刻。

自香港回歸以嚟，市民嘅生活日益穩定繁榮，幸福感顯著提升，作為香港嘅一分子，信和集團一直同市民攜手同行，見證香港嘅成長與進步，為咗響應回歸28周年，市民只需喺7月1日中午12時至下午4時去到以下信和集團商場，包括屯門市廣場、奧海城、荃新天地、中港城、黃金海岸商場及朗壹廣場，同埋利東街，就可領取相關禮品，數量有限先到先得。活動為大人同小朋友帶嚟更多歡樂與驚喜，增添節日嘅熱鬧氣氛。想知更多當日嘅精彩活動詳情，記得留意信和集團官方網企同社交媒體平台啦！

↓立即下載星島頭條App↓