祖兒千人生日會 被「前世情人」爆笑表白
更新時間：03:00 2025-06-17 HKT
發佈時間：03:00 2025-06-17 HKT
發佈時間：03:00 2025-06-17 HKT
字體大小
容祖兒於昨日（16日）正日生日推出今年首支派台歌《但你要甜》贈興，前日就率先與近千名來自各地的粉絲舉行慶生派對，首唱新歌兼首播MV，更和粉絲大玩遊戲，期間有男粉絲自稱是「前世情人」趁機向祖兒表白，令她爆笑停不了。
祖兒在前日的生日會上與粉絲玩爆笑遊戲「假如我是容祖兒」，有男粉絲突然深情告白：「我晚晚發夢都見到同你同台，今日終於夢想成真！我哋可能係前世情人！」𠱁到祖兒笑不停。最後全場大合唱生日歌，粉絲好有心思地為祖兒送上她最愛的手機遊戲造型蛋糕。
被粉絲感動的祖兒坦言珍惜與大家相聚，「今朝早5點起身，懷住一個好興奮嘅心情，多謝大家抽時間同我慶祝，人大咗更珍惜同朋友相聚的時間！」她笑言下次要去啟德搞個更勁的生日會，又預告今年中秋節會推出自家月餅，「其實諗咗好多年㗎啦，我好鍾意呢個節日，就係中秋節。今年希望可以出自己嘅月餅，扣除所有嘅開支之後，亦都係要嚟做善事嘅，可能會出燒鵝味，請大家多多支持！」
搵胞弟及朋友仔女拍MV
當日祖兒首度獻唱新歌《但你要甜》，並分享新歌構思，「我發覺我啲歌迷都大個啦，見住班fans細個着住校服追星，到而家帶埋仔女嚟追！希望佢哋嘅小朋友都唔會太抗拒我啦！」又笑言：「同一時間，我身邊嘅好朋友、同學每一次聚會都帶埋好多小朋友，我細佬又有兩件啦，每一次見到呢啲場面，我都好希未來新一代嘅小朋友，無論個世界有開心、唔開心、有好多挑戰，佢哋應該要成為一粒糖，可以茁壯成長為我哋未來嘅棟樑，甜住成長。」更自爆參與MV的小朋友全部是朋友和胞弟的仔女，「佢哋有演技㗎！等10年後睇返一定好有趣。」此外，閨蜜蔡卓妍（阿Sa）亦在社交網分享與關智斌齊齊為祖兒慶生的照片。
最Hit
