關志康 - 閒事莫理 眾埞莫企 | 神耆商機
更新時間：02:00 2025-06-09 HKT
發佈時間：02:00 2025-06-09 HKT
發佈時間：02:00 2025-06-09 HKT
字體大小
有次飯局中場，年近80歲的前輩正想對鄰座青年才俊分享地產投資的心得，卻見對方微笑遞上名片說：「晚輩趕飛機，下次討教。」這種場景反映出上一代人不時會面對的人際溝通問題。
有心理學研究顯示，隨着年齡增長，人們往往保持着「經驗傳承」的本能，卻容易忽略不同年代的認知差異。有老闆分享：「並非所有『善意干預』，都能帶來積極效果。我阿爺教落『閒事莫理，眾埞莫企』。我以前常常好心做壞事，結果『阻住地球轉』。煩惱真係皆因強出頭！」
已做人奶奶的闊太接話：「子女成家後，父母角色就該從『管理員』轉型為『顧問』─有問才答，唔問就當冇問題。而且，『家家有本難念的經』！仔女『撞板』先會學精，我哋舊時都係咁成長。老公去邊度，我都懶得問。點解？哈哈，因為『越問越傷心，明明無餘地再過問。』」這個也許是心理學所說的「邊界感」。
一位近90歲的大人物透露：「我的養生心得是做人要低調，唔好多管閒事，因為『槍打出頭鳥』，亦『唔做中，唔做保』；要知情識趣，與世無爭。莫講話見到夫妻爭執不勸解，我𠵱家見到個孫女用AI『炒股』都當睇唔到。用經驗給予指導，別人往往不會感恩，反而意外引起摩擦。而且世界變得太快，新問題用舊方法處理也未必行得通。」
晚年生活，自得其樂的智慧在於明白有些關心，以沉默表達反而更顯深厚；有些愛護，用距離維繫反而更為長久。享受人生、頤養天年不是終點，而是人際關係新境界的起點—「不管之管方為大管，不教之教始為真教。」
健康教育基金會主席
關志康
最Hit
