BIG FOUR相約行山為8月紅館騷熱身

星島日報-娛樂

更新時間：03:00 2025-05-23 HKT
發佈時間：03:00 2025-05-23 HKT

張衞健（Dicky）、許志安、梁漢文和蘇永康組成的「BIG FOUR」，將於8月相隔12年後回歸紅館，舉行《BIG FOUR HAPPY TO SEE YOU ALL演唱會2025》，日前四子激罕相約行山，為開騷熱身，行程中四子互揭黑歷史，笑料大爆發。

四子相識逾30年老友鬼鬼，Dicky感歎以前大家見面總會安排好多節目，但疫情後發現能約出來吃頓飯已很滿足，他坦言近年見面機會少，但每次有說不完話題。日前四子相約行山，未出發先鬥嘴，在起點互窒時，突然一身跑山裝束的長髮男子衝過來攬住安仔和Dicky，原來是經常和周潤發跑山的蔡一智，四子非常驚喜。蘇永康、梁漢文是受阿智影響而開始行山運動，有時會約埋安仔一齊行山，Dicky則是首次加入，五人有說有笑話當年。
梁漢文大爆Dicky百厭史
阿智離隊後，「BIG FOUR」繼續行程，行到一個休憩站坐低玩小遊戲，互揭黑歷史，梁漢文爆Dicky廿年前做一件離譜事，「當年小弟終於儲到個錢買咗間屋畀自己，新居入伙約埋啲兄弟上嚟聚吓，有人唔知係咪飲醉咗，收埋支豉油同茄汁喺我張床，到我夜晚瞓覺先至發現，成張床褥和被都係豉油！」眾人矛頭直指Dicky，梁漢文續說：「咁多年無賠返張床畀我，床單都冇呀！」Dicky扮可憐：「咁你想點喎？賠返樽豉油畀你，賠多支茄汁囉！」

↓立即下載星島頭條App↓