KellyChu - 劉鎮漢：學生帶同學來找機會父母與子女同來覓工人才辦夥企業赴大馬「搶人才」收千張CV | Executive日記

專欄

更新時間：02:00 2025-05-07 HKT
發佈時間：02:00 2025-05-07 HKT

肩負搶人手重責的香港人才服務辦公室，成立一年多以來，先後51次派員到內地及海外目標市場，介紹香港獨特優勢和發展機遇，上月首次聯同近40間大灣區企業到馬來西亞搶人才，吸引超過4000人次參加，各間企業收到近千份履歷（CV），反應好熱烈。人才辦總監劉鎮漢指出，當地學生表現積極，有人第一天來了，第二天帶多兩個同學來，甚至有父母與子女同來尋找在港工作的機會，反映香港極具吸引力。

　　勞福局局長孫玉菡聯同人才辦，在上月12日至13日前往馬來西亞首都吉隆坡舉辦「粵港澳大灣區人才匯聚發展推介會」，其中邀請專家分享大灣區人才發展趨勢與前景，以及有近40間企業即場為當地人才提供職位選擇和發展機會，回港後再作招聘安排。

　　人才辦總監劉鎮漢指，佢哋從今次活動了解到，馬來西亞年輕人渴望尋求突破，對於來港發展好有興趣，面對相同嘅職位，香港可以比馬來西亞高一倍以上人工，馬來西亞人普遍掌握中文和英文等多種語言，本身具有一定優勢。佢話，有學生去完第一日活動，第二日帶埋兩位同學來找機會，亦有父母與子女到場，一心尋求來港打工，反映佢哋睇好香港嘅機遇，積極爭取個人發展機會。

　　劉鎮漢話，人才辦有三個主要工作目標，第一係說好香港故事，第二要為香港招攬世界各地嘅頂尖人才，第三為來港人才提供不同支援，幫助佢哋融入本地生活。

　　人才辦今年底或到倫敦舉行招才活動，未來數月亦會繼續推出不同嘅招聘會，包括針對金融行業和資訊科技界嘅人才招募，以及透過線上招聘會讓海外人才可以輕鬆找到適合自己嘅工作。

KellyChu