KellyChu - 港台Aida永遠美麗杭州聯播代班活靈活現傳媒AI主播盛行以假亂真 | Executive日記

專欄

更新時間：02:00 2025-04-02 HKT
發佈時間：02:00 2025-04-02 HKT

人工智能（AI）日漸盛行，除咗大家日常處理文書或搜尋資料，可能會用到DeepSeek和ChatGPT等軟件，傳媒機構也開始研究使用AI報道新聞，例如香港電台前年已引入一名AI天氣小姐「Aida」，佢嘅仿真度唔高，聲音都有啲假，不過報告天氣就永遠唔會食螺絲。

　　香港電台AI天氣主播Aida自2023年6月底開始每日為觀眾報告天氣，初版嘅Aida係着一件酒紅色樽領背心，如果唔聽聲，外表都同真人頗為相似。但舊年Aida就換咗新形象，穿上粉紅色套裝，外表更似機械人，不變嘅係聲音明顯聽得出係由電腦產生，不似真人講嘢順暢流利。

　　早前《杭州新聞聯播》請來AI主播在春節代班，讓兩位人類主播可以回家過年，佢哋身處家鄉同觀眾拜年，並與自己在公司嘅AI替身連線報道。由於AI替身以兩位人類主播為藍本，外表、聲音以至肢體動作都相當逼真，令許多觀眾第一時間信以為真。事件一度掀起播音系學生未來會否面臨失業嘅討論。

　　應用科技改善事情未嘗不好，但越來越多人因為AI嘅出現，而懷疑自己睇到嘅嘢係咪真實，還是由AI生成？有朋友仔就問Kelly鳳凰衛視係咪請咗一名AI美女主播，不但外型完美，口齒亦好清晰。其實該名主播從中國傳媒大學播音系畢業，曾獲選為中華小姐環球大賽冠軍及最上鏡小姐獎，當然完美。

KellyChu