KellyChu - 小學生「O晒嘴」網上熱傳油天校長解畫係自然反應 | Executive日記

專欄

更新時間：02:00 2024-07-11 HKT
發佈時間：02:00 2024-07-11 HKT

　　前日小六升中派位放榜，油蔴地天主教小學（海泓道）一名陳同學考入傳統名校華仁書院，佢接受電視訪問時，話自己由星期一至五都去補習，但「辛苦講唔上，因為我覺得讀書係我嘅本分」，說時站喺佢身後兩位同學聽到，一個「O晒嘴」，另一個露出驚訝表情，片段迅速成為網上熱話，又好多二次創作抽水。

　　油蔴地天主教小學（海泓道）校長陳淑儀解釋事件，話陳同學表現好認真，「佢個character都係咁」，而在左邊表情驚訝嘅學生「好可愛嗰位」，純粹覺得「嘩！咁辛苦嘅？我之前都無聽過佢日日去補習個喎」。校長指，其中一個學生家長「覺得憤憤不平」，希望大家評論時留意，避免影響學生嘅身心發展。

　　呢個訪問拍到同學仔有趣嘅表情同反應，引起網民注意，有人用佢哋嘅表情做EMOJI，有網台二創呢段訪問，扮演有員工星期一至日都返工，但「辛苦就談唔上，因為我返工係我嘅本分嚟」，旁邊嘅同事「O晒嘴」。

KellyChu

↓立即下載星島頭條App↓