中年好聲音3丨明星足球隊成員唔撐趙浚承反睇好另一人：我覺得網傳三甲有一個唔係
發佈時間：20:30 2025-05-06 HKT
中年好聲音3決賽｜《中年好聲音3登峯之戰》將於5月11日（星期日）晚上7時45分在啟德體藝館舉行，翡翠台將於當晚7時45分起全程直播《中年好聲音3》決賽。《中年好聲音3》七強參賽者包括張與辰、黃博、李金凱、趙浚承、劉洋、占士丁丁及陳芷盈將於當晚展開終極一戰。《中年好聲音3》進入白熱化階段，賽果成為熱話，而日前江美儀、鄧兆尊、吳家樂等在網上節目《娛樂好好玩》亦討論到《中年好聲音3》。
視后江美儀支持黃博奪冠
《娛樂好好玩》主持吳家樂、江美儀及鄧兆尊都是《中年好聲音3》的忠實觀眾，日前他們在《娛樂好好玩》直播時，討論到網傳《中年好聲音3》有內定三甲名單分別為趙浚承、黃博及李金凱，更有傳趙浚承因是明星足球隊成員，又曾與譚詠麟合作，被對方看好而有優勢。吳家樂指：「網傳三甲係趙浚承、黃博同李金凱，就睇下係咪咁囉！」江美儀表示：「我緊係唔想咁啦，我係想黃博攞冠軍。」自爆原來是黃博的Fans。
相關閱讀：《中年好聲音3》趙浚承黃博張與辰大揭秘 《東周刊》獨家爆譚詠麟發功傳有內定冠軍
江美儀、鄧兆尊看好《中年好聲音3》哪位選手奪冠？
鄧兆尊支持李金凱
在旁的鄧兆尊點評網傳的內定三甲名單，他表示：「我覺得呢度有一個唔係囉，我一定係用李金凱做膽，拖三隻腳囉，我當佢世界打吡大賽咁睇咋嘛，國際化！全部都頂級……我睇好李金凱。」網民好奇鄧兆尊是否支持同是明星足球隊成員的趙浚承，他表示：「我撐李金凱，雖然佢（趙浚承）係好、係乖、又有恆心、又努力，但我本身係諗李金凱好啲。當然我都希望佢贏啦，臨場表現做好啲，每個人心目中都有競選嘅目標嘅。」江美儀亦再重申一次：「我係支持黃博嘅！」
相關閱讀：中年好聲音｜周國豐驚揭譚輝智「真面目」：係個壞咗嘅人 曝光絕密照下半身成焦點？
黃博被封《中年好聲音3》大魔王？
跟TVB簽約的選手勝算較大？
至於是否如外傳一樣，有跟TVB簽約的選手勝算較大？視后江美儀笑指：「我唔係親生佢都畀咗個獎我，哈哈……」而曾效力TVB的吳家樂直言：「任何一個比賽都好，去到final之前都要簽份合約……其實係未開始比賽前已經簽咗一份，首先要知你有冇經理人先，如果你有就要完咗你個經理人合約或者點樣……因為比賽期間如果你有其他合約綁手綁腳呢，人哋資源擺咗落去，如果要換人都好麻煩，之後先會傾其他合約，可能係個（合約）年期喇！好老實，如果唔簽約，你贏咗個冠軍，走去隔離台……呢個（簽約）係好正常。」吳家樂指選手與電視台簽約，某程度對雙方都有保障，更認為賽果好難「造馬」，始終都要看臨場表現，指如果當晚決賽表現太差都好難內定某位選手勝出，加上《中年好聲音3登峯之戰》有葉蒨文、小豬羅志祥及張智霖加入評審團，吳家樂認為此陣容更難為賽果「造馬」，「咁你話佢哋會唔會同你『造馬』？對佢哋嚟講冇乜着數㗎，如果佢哋畀得唔好，就變相丟佢哋自己架。」指直播可以看到現場觀眾最真實反應。
相關閱讀：中年好聲音3丨王鄭浚仁8強止步惹爭議！獲「樂壇巨肺」27字留言力撐 因一事對媽媽感虧欠
