《造星V》十強為負評大平反 「親生仔」 王鋒 KC Nathan絕密心底話
更新時間：00:00 2023-07-05 HKT
發佈時間：00:00 2023-07-05 HKT
發佈時間：00:00 2023-07-05 HKT
字體大小
《全民造星V》總決賽將於16日舉行，投票佔評分50%，網民支持相當重要，不過節目播出7星期以來是非不斷，特別是被網民封為ViuTV親生仔的王鋒、KC和Nathan最萬箭穿心。本來插足全程的改舞事件稍為丟淡，但上周六澳門十強節目再度燃起火頭，火勢更令Tsoul及KC慘被惡評洗版，就算急放足本版都難以救火。《頭條日報》收到消息，原來十強節目在《造星V》仍未播出前已拍攝，在未知節目如何被剪輯情況下，囝囝們被製作組強行要求回應，加上綜合各大網上平台的毒舌評論，在拉票期間，本報特別畀機會十強，就所有批評作出大平反。（由於版位關係，足本版請登入《星島頭條APP》）
採訪：杜杜 攝影：Stanley
堪稱《造星V》負評王及ViuTV首席親生仔，昨日27歲生日的王鋒，因喊住講返改舞事件，被網民斥貓哭老鼠，要求他退賽之聲不絕。被負評折磨到冇晒光彩的他承認事件好難補救，「其實都冇話平反，的而且確我係做錯咗，私下不斷咁同佢（阿澤）溝通。」對於退賽平息民憤，王鋒就唔認同，「我會更加珍惜呢個機會，希望畀大家睇到我進步或者真誠。」
Nathan認甩舞學識自戀撐自己
因為女友是Win Win，KC（黃家灝）被指唱歌走音，only跳舞叻都可以由頭帶到尾，因而被封「親生仔2號」，他重申唔覺節目組對佢特別好，點剪輯亦唔到佢決定。講到十強節目言論，KC無意判斷誰對誰錯，「邪念係勝負帶畀人諗多咗嘅嘢，點解當初我話呢件事係悲劇，因為勝負分開咗佢哋。講嗰番說話，係感嘆嘅感覺。」他承認有影響心情，「有少少受傷，但我明白。」
喊足全程的Nathan（魏念恩）同樣周身箭，除女友離世事件外，40強跳舞battle甩舞要望隊友，以及被指得個樣及打鼓冇力。他睇晒有關負評，承認甩舞之餘更自嘲經常見到自己的甩舞Gif，「我唔係望佢哋舞步，係覺得要有眼神接觸，但就係望嗰吓甩咗嘞！」但他亦滿意表演，「入呢個節目第一樣學嘅係自戀，瘋狂讚自己，呢個世界、節目太多負能量，自己都唔撐自己，冇人會撐你。」提到Nathan得個樣，亨仔突然插入：「你就好啦有樣！」全場爆笑！但Nathan就唔認同，強調自己識玩樂器，還懂韻律泳和攀石，不過認打鼓不及Jason Loi犀利，「比較唔到，視佢為學習對象。」
Tsoul認被鬧不快 負評令人進步
Tsoul（田曜誠）因批評阿澤台上申訴，其IG被洗版式留言狂鬧，雖然有出story解釋剪接問題，但網民唔收貨。他稱是節目組表示一定要答，「我同KC想表達嘅都係因為王鋒做錯咗，令到阿澤有呢啲action，身為紅組隊長好坦白講，偏向聽阿澤，聽佢訴苦，可以做就係咁。」他承認有為洗版事件不快，但唔擔心投票成績，「我都係靠實力同作品說話，負評係令自己進步，人身攻擊就會過濾。」
零負評的Lyman（香胤宅）認為只得正評未必係好事，更自認有好多不足，「唱歌冇亨仔、Ash水準，我跳到拉丁舞，少少爵士舞，好lucky識到Dai Bon（84號胡成邦）學到jazz funk，仲有好多嘢學。」亨仔（陳鎮亨）就被批評團體賽隱形，險入十強，他完全認同，其他囝囝忍唔住笑，「試了跳唱和夾band已覺無憾，佢哋都講得好啱，我唱歌好單一，入到十強非常之慶幸。」
希晉認符碌入10強 Taco唔開心
Snoopy（詹仕偉）被指廣東話冇進步，遭質疑投入度，他就在Tsoul瘋狂提水下努力用廣東話回答，「我廣東話好厲害，進步好多，我講粗口好叻，你又唔知呀！」他澄清非投入度不夠，「我自己寫歌、排舞，排全部嘅表演。」好多聲音指Taco（黃泓祖）在20強比賽冇進步，更替Ritchie不值，他也認同對方很出色，但就否認沒進步，「我覺得有進步㗎！加咗少少舞蹈落去，網民覺得我係贏定輸唔關我事，裁判揀咗我，只會準備下一round。」他坦認有唔開心，「好似贏得唔乾淨咁。」
希晉（王希晉）同樣被指隱形，符碌入十強，「還我Owen」講到而家，自認怕醜的他承認隱形，「有唔好嘅說話先會push到你，人生順風順水就冇意思。」跟Lyman一樣冇乜負評的Ash（盧信宥），指20強選唱《小心地滑》送給亡父被誤解，他稱歌曲有警戒含意似父親教導兒子。完成30強後，他準備返馬來西亞時知道爸爸走了，「即刻facetime同佢講最後一句說話。」
採訪：杜杜 攝影：Stanley
堪稱《造星V》負評王及ViuTV首席親生仔，昨日27歲生日的王鋒，因喊住講返改舞事件，被網民斥貓哭老鼠，要求他退賽之聲不絕。被負評折磨到冇晒光彩的他承認事件好難補救，「其實都冇話平反，的而且確我係做錯咗，私下不斷咁同佢（阿澤）溝通。」對於退賽平息民憤，王鋒就唔認同，「我會更加珍惜呢個機會，希望畀大家睇到我進步或者真誠。」
Nathan認甩舞學識自戀撐自己
因為女友是Win Win，KC（黃家灝）被指唱歌走音，only跳舞叻都可以由頭帶到尾，因而被封「親生仔2號」，他重申唔覺節目組對佢特別好，點剪輯亦唔到佢決定。講到十強節目言論，KC無意判斷誰對誰錯，「邪念係勝負帶畀人諗多咗嘅嘢，點解當初我話呢件事係悲劇，因為勝負分開咗佢哋。講嗰番說話，係感嘆嘅感覺。」他承認有影響心情，「有少少受傷，但我明白。」
喊足全程的Nathan（魏念恩）同樣周身箭，除女友離世事件外，40強跳舞battle甩舞要望隊友，以及被指得個樣及打鼓冇力。他睇晒有關負評，承認甩舞之餘更自嘲經常見到自己的甩舞Gif，「我唔係望佢哋舞步，係覺得要有眼神接觸，但就係望嗰吓甩咗嘞！」但他亦滿意表演，「入呢個節目第一樣學嘅係自戀，瘋狂讚自己，呢個世界、節目太多負能量，自己都唔撐自己，冇人會撐你。」提到Nathan得個樣，亨仔突然插入：「你就好啦有樣！」全場爆笑！但Nathan就唔認同，強調自己識玩樂器，還懂韻律泳和攀石，不過認打鼓不及Jason Loi犀利，「比較唔到，視佢為學習對象。」
Tsoul認被鬧不快 負評令人進步
Tsoul（田曜誠）因批評阿澤台上申訴，其IG被洗版式留言狂鬧，雖然有出story解釋剪接問題，但網民唔收貨。他稱是節目組表示一定要答，「我同KC想表達嘅都係因為王鋒做錯咗，令到阿澤有呢啲action，身為紅組隊長好坦白講，偏向聽阿澤，聽佢訴苦，可以做就係咁。」他承認有為洗版事件不快，但唔擔心投票成績，「我都係靠實力同作品說話，負評係令自己進步，人身攻擊就會過濾。」
零負評的Lyman（香胤宅）認為只得正評未必係好事，更自認有好多不足，「唱歌冇亨仔、Ash水準，我跳到拉丁舞，少少爵士舞，好lucky識到Dai Bon（84號胡成邦）學到jazz funk，仲有好多嘢學。」亨仔（陳鎮亨）就被批評團體賽隱形，險入十強，他完全認同，其他囝囝忍唔住笑，「試了跳唱和夾band已覺無憾，佢哋都講得好啱，我唱歌好單一，入到十強非常之慶幸。」
希晉認符碌入10強 Taco唔開心
Snoopy（詹仕偉）被指廣東話冇進步，遭質疑投入度，他就在Tsoul瘋狂提水下努力用廣東話回答，「我廣東話好厲害，進步好多，我講粗口好叻，你又唔知呀！」他澄清非投入度不夠，「我自己寫歌、排舞，排全部嘅表演。」好多聲音指Taco（黃泓祖）在20強比賽冇進步，更替Ritchie不值，他也認同對方很出色，但就否認沒進步，「我覺得有進步㗎！加咗少少舞蹈落去，網民覺得我係贏定輸唔關我事，裁判揀咗我，只會準備下一round。」他坦認有唔開心，「好似贏得唔乾淨咁。」
希晉（王希晉）同樣被指隱形，符碌入十強，「還我Owen」講到而家，自認怕醜的他承認隱形，「有唔好嘅說話先會push到你，人生順風順水就冇意思。」跟Lyman一樣冇乜負評的Ash（盧信宥），指20強選唱《小心地滑》送給亡父被誤解，他稱歌曲有警戒含意似父親教導兒子。完成30強後，他準備返馬來西亞時知道爸爸走了，「即刻facetime同佢講最後一句說話。」
最Hit
