批評《一舞傾城》與王晶掀罵戰李婉華：做家長要積口德

頭條日報-娛樂

更新時間：00:00 2023-06-13 HKT
發佈時間：00:00 2023-06-13 HKT

定居加拿大多年的李婉華最近與19歲大女Natalie返港，為自己的YouTube頻道拍攝香港美食，提到早前因批評TVB劇集《一舞傾城》劇情教壞細路，與該劇監製王晶掀罵戰，婉華強調對事不對人。

李婉華早前批評TVB劇集《一舞傾城》劇情教壞細路，該劇監製王晶即時反擊掀罵戰，婉華表示講的時候不知道監製是誰，就算知道也會講，自己以觀眾和家長的角度去評價：「我自己有女，睇完好唔舒服，因為講緊出賣肉體嘅嘢，希望大家道德上都緊守一啲原則，（會唔會後悔掀罵戰？）唔會，後悔嗰個應該唔係我，因為對事唔對人，有個編劇係林子博朋友，佢都有打電話畀子博話多謝我嘅意見，我覺得佢（王晶）有少少借呢件事去發酵，而且仲人身攻擊，我就好唔開心，因為社會要和諧，愛香港嘅人希望香港好，唔好搞分化。」

婉華亦指同是家長的王晶應該要積口德，因為在網絡下大家也會看到你的為人，對於王晶批評她戲屎，更指兩人合作時將婉華的戲份cut走一半，婉華淡然地說：「我對自己係演藝學生感到驕傲，演技派未必係佢喜歡嗰一種類型。」