《中年好聲音》亞軍李佳：加少少學費

東周娛樂

更新時間：11:36 2023-04-30 HKT
發佈時間：11:36 2023-04-30 HKT

一直被視為奪標大熱門的李佳，表示對賽果喜出望外：「冇失望，因為今日大家狀態都好好，冇諗過自己會攞亞軍，冇諗過自己會攞咩分數，三甲？定係只係六強？其實真係冇諗過，所以攞到亞軍係一個好大嘅surprise，因為我覺得自己今日未做到最好，加上第一個出場，有啲緊張、有啲壓力，又要諗點樣跳舞，所以攞到亞軍好surprise，係開心嘅surprise！」
此外，作為歌唱老師的李佳，亦希望參與幕前工作：「我希望可以多啲演出，因為我本身係歌手，但係我都唔會放棄做老師，因為如果冇呢啲學生嘅支持，我係行唔到呢家呢一步，所以我唔會放棄我啲學生，我會繼續教唱歌。不過，時間可能會調整少少。」
據悉，她最近多了不少學生，她坦言：「有呀！特別係之前有傳媒報道咗個課程價錢，好多人打電話嚟詢問，因為我教過工聯會，收費好平，教過好多老人家，如果加得貴，啲人好難接受，如果加都係加好少，係可以接受，大家開心！」